Sairam aýdanynda turǵyn úi máselesi qalai sheshilýde?
Bul rette aýdandyq basshylary túiitkildi máseleniń túiinin tarqatý úshin barynsha jumys istep jatyr. Aitalyq, Mankent pen Aqsý eldi mekenderiniń arasyndaǵy 230 gektar aýyl sharýashylyǵy maqsatyndaǵy jerge kópqabatty turǵyn úi salýdy josparlanǵan. Joba-jospar daiyn.
Eger joba sátti iske assa 300-den astam bes qabatty úilerdiń qurylysyn júrgizýe ábden bolady. Óz kezeginde bul 7000-ǵa jýyq adamnyń basyn aýyrtqan baspana máselesin sheshýge múmkindik beredi.
Eger ol jerdi úi irgelik jer kezeginde turǵandarǵa úlestirsek, bar bolǵany 1000-ǵa jýyq adamnyń ótinishi oryndalady.
Qarasý aýyl ákimshiliginiń Qyzyltý eldimekeninde memlekettik baǵdarlamaǵa sai eki qabatty úsh úidiń jobasy daiyn. Ákimdik biýdjetke usynys jasap qoiǵan. Qurylysy keler jyly bastalady dep kútilýde. Budan ózge qalanyń kire beris jerinde bos jerlerge kópqabatty úiler salý boiynsha jobalar jasalyp, biýdjetke usynylǵanyn aita ketýimiz kerek.
Búginde Sairam aýdany ákimdiginiń qyzmetkerleri eldi mekenderdi aralap bos jatqan qurylys salýǵa yńǵaily jerlerdi eldi meken shegine kirgizip, máslihatta qarap, tiisti qujattardy daiyndaý isimen ainalysyp jatyr.
Dalanews.kz
