بۇل رەتتە اۋداندىق باسشىلارى تۇيىتكىلدى ماسەلەنىڭ ءتۇيىنىن تارقاتۋ ءۇشىن بارىنشا جۇمىس ىستەپ جاتىر. ايتالىق، مانكەنت پەن اقسۋ ەلدى مەكەندەرىنىڭ اراسىنداعى 230 گەكتار اۋىل شارۋاشىلىعى ماقساتىنداعى جەرگە كوپقاباتتى تۇرعىن ءۇي سالۋدى جوسپارلانعان. جوبا-جوسپار دايىن.
ەگەر جوبا ءساتتى ىسكە اسسا 300-دەن استام بەس قاباتتى ۇيلەردىڭ قۇرىلىسىن جۇرگىزۋە ابدەن بولادى. ءوز كەزەگىندە بۇل 7000-عا جۋىق ادامنىڭ باسىن اۋىرتقان باسپانا ماسەلەسىن شەشۋگە مۇمكىندىك بەرەدى.
ەگەر ول جەردى ءۇي ىرگەلىك جەر كەزەگىندە تۇرعاندارعا ۇلەستىرسەك، بار بولعانى 1000-عا جۋىق ادامنىڭ ءوتىنىشى ورىندالادى.
قاراسۋ اۋىل اكىمشىلىگىنىڭ قىزىلتۋ ەلدىمەكەنىندە مەملەكەتتىك باعدارلاماعا ساي ەكى قاباتتى ءۇش ءۇيدىڭ جوباسى دايىن. اكىمدىك بيۋدجەتكە ۇسىنىس جاساپ قويعان. قۇرىلىسى كەلەر جىلى باستالادى دەپ كۇتىلۋدە. بۇدان وزگە قالانىڭ كىرە بەرىس جەرىندە بوس جەرلەرگە كوپقاباتتى ۇيلەر سالۋ بويىنشا جوبالار جاسالىپ، بيۋدجەتكە ۇسىنىلعانىن ايتا كەتۋىمىز كەرەك.
بۇگىندە سايرام اۋدانى اكىمدىگىنىڭ قىزمەتكەرلەرى ەلدى مەكەندەردى ارالاپ بوس جاتقان قۇرىلىس سالۋعا ىڭعايلى جەرلەردى ەلدى مەكەن شەگىنە كىرگىزىپ، ءماسليحاتتا قاراپ، ءتيىستى قۇجاتتاردى دايىنداۋ ىسىمەن اينالىسىپ جاتىر.
Dalanews.kz
