Búginde aýdanda kásipkerlik salany qarjy institýttary arqyly qarjylai qoldaý isi joǵary deńgeide damyǵan. Bizdiń bul sózimizge 2018 jyldyń ózinde aýdan kóleminde mikrokredittik uiymdar arqyly 7775 adamǵa 4 mlrd. 367,0 mln.teńge nesie berilgeni aiqyn dálel bolady.
Osy rette kásipkerlikpen ainalysýǵa ynta tantqan sairamdyqtarǵa nesie berýde «Yrys» jáne «Ońtústik» aimaqtyq investitsiialyq ortalyǵy airyqsha qoldaý kórsetkenin atap aitýǵa bolady. Aitalyq, «Ońtústik» aimaqtyq investitsiialyq ortalyǵy 1 joba 80 mln. teńge berse, «Yrys» mikrokredittik uiymy 31 jobany nesieleýge 243,3 mln. teńgege jumsaǵan. Sonymen qatar, «Bastaý Biznes» jobasy boiynsha 156 adam oqytylyp, oqytylǵan 68 jeke kásipkerge shaǵyn nesie berilgen.
Aýdanda investitsiia tartý isi de oń baǵytta damyp keledi. 2018 jyldyń 10 aiynda aýdanǵa 13,9 mlrd.teńge investitsiia tartylǵan. Onyń ishinde 6,0 mlrd. teńgesi biýdjettik investitsiia qurasa, 5,9 mlrd. teńgesi biýdjettik emes investitsiialardyń (bank kreditteri – 1,6 mlrd.teńge) enshisine tiip otyr.
Dalanews.kz
