Onyń pikirinshe árbir sailaýda ustazdar aq ter, kók terge túsedi. Osylaisha ustaz bedelin quldyratyp, atalǵan mamandyqtyń qadirin ketirip otyrmyz. Sói degen Saǵidýlla Aimaǵambetovke ún qatyp, birqatar usynysty ortaǵa salypty.
Ustazdyń usynysy
Ashat Aimaǵambetov myrza! Halyq úshin jasaýyńyz qajet bir is bar.
1. Mektepke sailaýdy jaqyndatpaý.
2. Mektep muǵalimderi men basshylarynyń komissiia músheligine kirýine tiym salý. (Qajet bolsa, zańǵa engizý. )
3. Sailaý ýchastkelerin mektep ǵimaratynan ashýǵa tiym salý.
Bul sailaýdyń aram isine muǵalimderdi aralastyryp, muǵalimniń bedelin túsirýge jol bermeýdiń negizgi joly.
Sondyqtan mektep pen muǵalimdi sailaýdan qorǵap, osy máseleni qolǵa alýyńyzdy suraimyn! – deidi belsendi ustaz.
Budan bólek ol, mektep direktorlaryn sailaý aiaqtalǵansha qyzmetinen shettetip, ailyq jalaqylaryn tolyq qysqartý kerek dep sanaidy. Sebebi sailaýǵa atsalysatyn direktorlar negizgi jumysyn umytyp, naýqannyń sońynda ketedi.
«Sailaý ýchaskesi komissiiasynyń tóraǵasy mektep direktorlary. Direktorlardyń jumys ýaqyty tańǵy 8.00 den 18.00 aralyǵynda.
Olar sol aralyqta direktorlyq jumysyna jalaqy alady. Sonda sailaý komissiianynyń tóraǵasy retinde qai kezeńde jumys isteidi? Túnde me? Árine, direktorlyq jumysynyń ýaqytynda jumys jasap júr.
Sondyqtan sailaý komissiiasynyń tóraǵasy bolyp jumys istep júrgen mektep direktorlaryn, sailaý bitkenshe, ýaqytsha direktorlyq qyzmetten shettetip, jalaqylaryn tolyq qysqartýlaryńyzdy suraimyn. Sailaý komissiiasynyń tóraǵasy bolǵany úshin de jalaqy alady. Bir adam bir ýaqytta eki jumysty qalai isteidi? Memlekettiń, halyqtyń aqshasy dalada jatqan joq.
Aqshalaryn qyzǵanbaimyn. Jasamaǵan jumysyna aqsha tólep otyrsyzdar.
Oilanyp kórińizshi. Bir ýaqytta eki jumys istei ala ma?
Osylai bir kezeńde eki jumys istep, eki jumystan jalaqy alýǵa zań ne deidi», - dep jazdy ol jelidegi paraqshasynda.
Aita ketsek, 2021 jyldyń 10-qańtarynda QR Parlamenti Májilisi men máslihattarynyń sailaýy ótedi. Osyǵan deiin ótken Prezident sailaýyna mektep direktorlary men muǵalimder jappai qatysyp, naýqannyń kórigin qyzdyrǵan edi.
