QR Ortalyq saılaý komısıasy 10 qańtar kúni ótken QR Parlamenti Májilisi depýtattaryn saılaýda saıası partıalar jınaǵan daýystardyń aldyn ala qorytyndysyn jarıa etti.

QR Ortalyq saılaý komısıasynyń hatshysy Sábıla Mustafınanyń dereginshe, «Aýyl» halyqtyq-demokratıalyq patrıottyq partıasy 5,29, «Nur Otan» partıasy 71,09%, «ADAL» saıası partıasy 3,57, Qazaqstannyń «Aq jol» demokratıalyq partıasy 10,95 jáne «Qazaqstannyń Halyq partıasy 9,10 paıyz daýys jınady.

Esterińizge sala ketsek, keshe túnde Qoǵamdyq pikir ınstıtýty Exit poll nátıjesin jarıa etken bolatyn. Oǵan sáıkes, respondentterdiń 5,75 paıyzy «Aýyl» halyqtyq-demokratıalyq patrıottyq partıasyna, 71,97 paıyzy «Nur Otan» partıasyna, 3,07 paıyzy «ADAL» saıası partıasyna, 10,18 paıyzy Qazaqstannyń «Aq jol» demokratıalyq partıasyna, 9,03 paıyzy «Qazaqstannyń Halyq partıasyna» daýys bergen.

Aıta keterligi, atalǵan ınstıtýt dırektory Aınur Májıtova saýalnama qateligi 2 paıyz shamasynda bolatyndyǵyn eskertken-di.