Májilis depýtaty Erlan Saiyrov Qazaqstan búginde tektonikalyq saiasi ózgerister kezeńin ótkerip jatqanyn aitty, - dep habarlaidy Dalanews.kz.
Onyń sózinshe, búgingi saiasi protsesterdi saraptaý úshin keshegi tarihqa kóz júgirtý asa mańyzdy. Saiyrov eski júiede bilik sol kezdegi Prezidenttiń qolyna shoǵyrlandy dep te synady.
"1990 jyldardyń basynda elimizde naqty pliýralizm men demokratiiaǵa baǵyttalǵan is-qadamdar boldy. Parlament pen atqarýshy bilik arasynda tepe-teńdik bolyp, konstitýtsiialyq qurylysty baqylap otyratyn institýttar júieli jumys atqardy.
1995 jylǵy Konstitýtsiia ekonomikalyq reformalar men áleýmettik turaqtylyqty jedeldetkenimen, saiasi júiemiz jekelegen toptar men keibir tulǵalardyń múddesine jumys jasap ketti. Sóitip bilik tolyqtai sol kezdegi Prezidenttiń qolynda shoǵyrlanyp, Parlament formaldy ról atqardy", - dedi ol.
Depýtattyń aitýynsha, osylaisha azamattar men bilik arasynda bailanys úzilip, qoǵamdyq protsesster bir baǵytta ǵana júrgen.
"2010 jyldan bastap Qazaqstanda saiasi daǵdarys ashyq túrde órshidi. Máselen, jer reformasyna qarsylyq jáne halyqtyń áleýmettik jaǵdaiynyń tómendeýine narazylyq retinde keibir áleýmettik toptar bas kóterdi", - dedi Saiyrov.
Májilis depýtaty Toqaevtyń bilikke kelýine qatysty da pikir bildirdi.
"2019 jyly osyndai kúrdeli kezeńde bilik basyna Qasym-Jomart Toqaev keldi. Ol bilikke kelisimen "Qazaqstanda saiasi reformalar jasamai, elimizdiń turaqty ekonomikalyq damýyn qamtamassyz etý múmkin emes", – dep málimdedi.
Memleket basshysynyń bastamasymen Saiasi reformalardy josparlaý úshin arnaiy Ulttyq Keńes quryldy. Ulttyq Keńes eldegi ýshyǵyp turǵan saiasi protsesti evoliýtsiialyq jolmen sheshýdi kózdep, Prezident ókilettiligin Parlamentke berý, oppozitsiia rólin arttyrý, Konstitýtsiiaǵa ózgerister engizý jáne bilik tarmaqtary arasyndaǵy tepe-teńdik máselelerin qarastyrdy.
Prezidenttiń kadentsiiasynyń basty máselesi – elimizde qalyptasqan "jeke basqa tabynýshylyq" protsessin joiyp, memleket pen qoǵam arasyndaǵy jańa turpatty, halyqtyń qoǵamdyq múddesine sáikes keletin saiasi júie qalyptastyrý", - dedi ol.
Saiyrovtyń sózinshe, bul reformalarǵa eski júie dáýirinde Qazaqstannyń saiasi sferasyna, ekonomikalyq júiesine dendep kirip alǵan oligarhiialyq, biýrokratiialyq toptar qarsy bolǵan.
"Memlekettiń ishinde saiasi reformalarǵa qarsy piǵyl men revanshisttik toptar paida boldy. Osy revanshistter 2019 jyldan bastap júrgizilip jatqan reformatorlyq kýrsqa júieli túrde qarsylyq bildirip keldi. Bul qylmystyq toptyń timiski áreketteri Qańtar oqiǵasyndaǵy aýyr jaǵdailarǵa alyp keldi.
Qańtar kezeńinde el Prezidenti Qazaqstan memleketin aýyr alapattan qutqaryp qaldy! Qańtar oqiǵalary saiasi reformalarǵa jańa pármen berdi. Osy jerde basa aitatyn másele, joǵaryda aitylǵandai, saiasi reformalar 2019 jyly bastalǵan!" - dedi depýtat.
