Depýtat Erlan Saiyrov Jumanǵarinniń jaýabyna qanaǵattanbai, premer-ministrge «sálem» joldady, dep habarlaidy Dalanews.kz.
Májilis depýtaty Erlan Saiyrov Ulttyq ekonomika ministri Serik Jumanǵarinniń iri kapitalǵa qatysty jaýabyn jetkiliksiz dep baǵalap, óziniń narazylyǵyn ashyq bildirdi. Ol bul máselede Premer-ministr Oljas Bektenovtiń atyna úndeý jasaýdy da jón kórdi.
- Ókinishke qarai, men jaýap ala almadym. Menińshe, iri kapital múddesin lobbi jasaý faktileri bar. Sondyqtan sizden úlken ótinishim – óz qaramaǵyńyzdaǵy adamdardy baqylap, premer-ministrge sálem aityńyz. Bulai jumys isteýge bolmaidy. Meniń oiymsha, biz sizben birge memleket múddesi úshin durys sheshim qabyldaimyz dep senemin, dedi Saiyrov.
Qoshanov: «Premerge sálem aitýdyń qajeti joq»
Májilis tóraǵasy Erlan Qoshanov depýtat áriptesiniń bul málimdemesine birden reaktsiia bildirip, saiasi ritorikany tiianaqty qoldanýǵa shaqyrdy.
- Áriptesimiz depýtat Saiyrovtyń sózi boiynsha: premer-ministrge “sálem aitý” artyq bolady dep oilaimyn. Tiisti ministrlik eger orynbasary jaýap bere almasa halǵa shaqyryp, biz aitqan másele boiynsha tyńdaýǵa quqyǵymyz bar. Osyny bolashaqta eskerińiz, deidi Qoshanov.
