Saiasi doda ótti
«Jahandyq saiasattaǵy Qytaidyń orny» degen taqyryppen ótken saiasi saiysqa úsh komanda qatysty. Olar: Ál-Farabi atyndaǵy QazUÝ shyǵystaný fakýltetiniń «Jibek joly», Ál-Farabi atyndaǵy QazUÝ halyqaralyq qatynastar fakýltetiniń «Shyǵys juldyzy» jáne Abylaihan atyndaǵy Halyqaralyq qatynastar jáne álem tilderi ýniversitetiniń «Jas Abylai» komandalary. Qytaidyń búgingi tańda álemdik arenada júrgizip otyrǵan saiasatyn, syrtqy saiasatyndaǵy ustanǵan baǵytyn, halyqaralyq bailanystardy júrgizýdegi qytailyq ózindik erekshelikterdi jan-jaqty talqylaǵan bul saiysta Ál-Farabi atyndaǵy QazUÝ shyǵystaný fakýlteti qytaitaný kafedrasynyń meńgerýshisi, tarih ǵylymdarynyń doktory, professor Muqamethanuly Nábijan bastaǵan beldi saiasattanýshylar men halyqaralyq qatynastar salasynyń mamandary qazylyq etti. Saiasi dodaǵa arnaiy qonaqtar retinde Chehiia Respýblikasy ǵylym akademiiasynyń shyǵystaný insitýtynyń mamandary, PhD doktorlar Ondrei Klimash pen Vera Eksnarevalar qatysty.
Saiasi dodanyń aldyn ala daiyndalǵan baǵdarlamasy boiynsha, saiys komandalardyń ózderin tanystarýynan bastap, taqyrypqa sáikes júrgizýshiniń komandalarǵa suraǵy, jankúierlerdiń komandalarǵa suraǵy, júrgizýshiniń jankúierlerge suraǵy jáne kapitandardyń arasyndaǵy saiysy siiaqty bólimderden turdy.
Qazirgi kezde álemdik arenada yqpaly kúsheiip, negizgi «oiynshylardyń» birine ainalyp kele jatqan Qytaidyń búgingi júrgizip otyrǵan saiasatyna bailanysty qoiylǵan suraqtarǵa jan-jaqty jaýap berýge tyrysqan qatysýshylar, búkil bilimderin ortaǵa saldy.
Abylai han atyndaǵy Halyqaralyq qatynastar jáne álem tilderi ýniversitetiniń «Jas Abylai» komandasy ózderiniń bolashaq myqty mamandar ekenin barynsha dáleldep baqty. Ál-Farabi atyndaǵy QazUÝ halyqaralyq qatynastar fakýltetinde jumys jasaityn «Shyǵys juldyzy» úiirmesi múshelerinen quralǵan, osy attas komanda ózderiniń bilimderimen, biliktiligimen, suraqqa utymdy da, durys jaýap berýimen birden kózge tústi. Alaida, jarys sońyna qarai Ál-Farabi atyndaǵy QazUÝ shyǵystaný fakýltetiniń «Jibek joly» komandasy ózderiniń qytaitanýshy mamandar ekenin taǵy bir dáleldep, jeńisti qarsylastarynyń qolynan julyp áketti. Ásirese, komanda kapitany Ilip Aidana óziniń bilimimen, belsendiligimen erekshelenip, komandasyn alǵa súirep shyqty.
Nátijesinde «Jas Abylai» komandasy úshinshi orynǵa, «Shyǵys juldyzy» ekinshi orynǵa turaqtady. Al saiystyń jeńimpazy bolyp «Jibek joly» komandasy jariialandy. «Shyǵys juldyzy» komandasynyń kapitany Qaiym Sultanbek «Eń úzdik spiker» bolyp tanyldy.
Komandalar Qytai týraly jazylǵan tanymdyq jáne ǵylymi qundy kitaptarmen marappattaldy. Saiasi dodaǵa qatysýshylar osyndai saiysty dástúrli túrde ótetin is-sharaǵa ainaldyrý kerek ekenin aityp, kelesi jyly Abylaihan atyndaǵy Halyqaralyq qatynastar jáne álem tilderi ýniversitetinde jinalatyn bolyp sheshti.
Kerimbaev E.Á.,
Túrgenbai A.A.,
Ál-Farabi atyndaǵy QazUÝ shyǵystaný fakýlteti qytaitaný kafedrasynyń oqytýshylary
