Saıası arandatýshylardyń kópshiligi anonımdi túrde áreket etedi. Bul týraly Ulttyq qaýipsizdik komıtetiniń (UQK) tóraǵasy Ermek Saǵymbaev málimdedi, - dep habarlaıdy Dalanews.kz.
"UQK aqparattyq keńistikte destrýktıvti aqparat taratýmen aınalysatyn adamdardyń áreketterin anyqtaý jáne aldyn alý boıynsha qarqyndy ári júıeli jumys júrgizýde. Jyl basynan beri ınternette zańsyz áreketterge, sonyń ishinde jappaı tártipsizdikterge shaqyratyn destrýktıvti aqparat taratqan 330 jeli paıdalanýshysy anyqtaldy. 29 adam qylmystyq jaýapkershilikke tartyldy, 30 adam ákimshilik jaýapkershilikke tartyldy, qalǵandary boıynsha aldyn alý sharalary júrgizildi. Alaıda ınternettegi saıası sıpattaǵy arandatýlardyń avtorlarynyń basym kópshiligi anonımdi jáne jıi sheteldik platformalarda tirkeledi", – dedi Saǵymbaev Ermurat Bápıdiń depýtattyq saýalyna jaýap berip.
UQK basshysy atalǵan jaǵdaıda arandatýshylardy izdeý men sáıkestendirýdiń qıyn ekenin atap ótti.
"Sizdiń suranysyńyzda kórsetilgen faktiler nazarǵa alyndy jáne bolashaqta jumysta eskeriletin bolady. Eger sizdiń suraýyńyzda kórsetilgen mán-jaılar boıynsha jańa málimetter nemese faktiler anyqtalsa, olardy bizge habarlaýyńyzdy suraımyz", – dep qorytyndylady Saǵymbaev.
