Tanymal saiasattanýshy Daniiar Áshimbaev Ulttyq quryltaidy synaityndarǵa jaýap berdi, - dep habarlaidy Dalanews.kz.
«Búgin Memleket basshysynyń qatysýymen Ulttyq quryltaidyń IV plenarlyq otyrysy ótedi. Keiingi kezde osy keńes organy týraly túrli syn-pikirler aitylyp júr, «Quryltaidyń otyrystary aldyn ala jazylǵan stsenarii boiynsha ótedi», «Sheshimder joǵarydan bekitiledi» degen oilar da bar. Men buǵan kelispeimin», - dedi ol.
Sarapshynyń sózinshe, Ulttyq quryltai jáne onyń aldyndaǵy Ulttyq qoǵamdyq senim keńesi shyn máninde qoǵam men bilik arasynda naǵyz kásibi, shynaiy dialog alańyna ainalǵan.
«Munda sarapshylar, qoǵam belsendileri, bilik ókilderi arasynda qyzý talqylaýlar bolyp turady. Pikirtalastar tek úlken jiyndarda emes, sektsiia otyrystarynda, kezdesýlerde de ashyq ári jandy túrde ótip jatyr. Quryltai jumysy jylyna bir ret emes, úzdiksiz, júieli túrde júrip jatyr», - dedi Áshimbaev.
Onyń pikirinshe, óz oiyńdy ashyq aityp, oǵan tushymdy jaýap, oryndy ýáj estýdiń ózi óte mańyzdy, oǵan qosa osy ýaqyt ishinde quryltai alańynda talqylanǵan usynystar naqty saiasi sheshimderge ainalyp úlgergen.
«Sonyń ishindegi eń eleýlisi 2022 jylǵy konstitýtsiialyq reforma da osy quryltai aiasynda talqylanǵan bolatyn.
Taǵy bir mańyzdy jait: bul alań tek Prezident ákimshiligi, Úkimet nemese sarapshylarmen ǵana shektelmeidi. Munda Qazaqstan halqy assambleiasy, óńirlik qoǵamdyq keńester, úkimettik emes uiym ókilderi de óz oiyn erkin aityp, pikirin bildire alady.
Osyndai erekshe dialog alańy qurylýyna muryndyq bolǵan Prezident Qasym-Jomart Toqaevqa alǵys aitqym keledi. Bul – shyn mánindegi dialog institýty. Sondai-aq, quryltai jumysyna kúndelikti basshylyq etip, sarapshylar arasynda joǵary deńgeidegi úilesimdi uiymdastyryp júrgen Memlekettik keńesshi Erlan Qaringe de alǵysym zor», - dep túiindedi ol.
Aita keteiik, búgin Prezident Qasym-Jomart Toqaev Býrabaida ótetin Ulttyq quryltaidyń IV otyrysyna qatysady.
Jiynda Memleket basshysy sóz sóilep, Ulttyq quryltai músheleri qoǵamdaǵy ózekti máselelerge qatysty usynystaryn ortaǵa salady.
