Munda Qazaqstannyń Qyzyl kitabyna engen aǵash-butalardyń 7 túri, al sirek kezdesetinderdiń 61 túri bar.
Saiabaq aýmaǵyndaǵy aǵash-butalardyń jalpy sany 100 myń danadan asady. Qazirgi tańda tuqymbaqta 62 túrli aǵash-buta túrlerinen 8 469 túp kóshet ósirilýde.
Sala mamandarynyń aitýynsha, biyl saiabaqtyń jabaiy ormandaryn tazalaý boiynsha kezeń-kezeńimen jospar qurylǵan bolatyn. Aǵymdaǵy jyldyń qańtar-shilde aiy aralyǵynda 5,3 gektar aýmaqqa sanitarlyq tazalyq júrgizilip, Tólemetov kóshesindegi ormandar qalpyna keltirilgen. Dendrosaiabaqqa alty ai ishinde 101 578 adam kelgen.
Aita keteiik, «Shymkent memlekettik dendrologiialyq saiabaǵy» memlekettik kommýnaldyq qazynalyq kásiporynynyń jalpy jer kólemi 129,37 gektardy alyp jatyr. Onyń ishinde Qoshqar-ata ýchaskesi 12,33 ga. Dendrosaiabaq florasy 5 geografiialyq aimaqqa bólingen: Shyǵys Aziia, Orta Aziia - Qazaqstan, Soltústik Amerika, Qiyr Shyǵys-Sibir, Evropa Qyrym-Kavkaz.
