مۇندا قازاقستاننىڭ قىزىل كىتابىنا ەنگەن اعاش-بۇتالاردىڭ 7 ءتۇرى، ال سيرەك كەزدەسەتىندەردىڭ 61 ءتۇرى بار.
ساياباق اۋماعىنداعى اعاش-بۇتالاردىڭ جالپى سانى 100 مىڭ دانادان اسادى. قازىرگى تاڭدا تۇقىمباقتا 62 ءتۇرلى اعاش-بۇتا تۇرلەرىنەن 8 469 ءتۇپ كوشەت وسىرىلۋدە.
سالا ماماندارىنىڭ ايتۋىنشا، بيىل ساياباقتىڭ جابايى ورماندارىن تازالاۋ بويىنشا كەزەڭ-كەزەڭىمەن جوسپار قۇرىلعان بولاتىن. اعىمداعى جىلدىڭ قاڭتار-شىلدە ايى ارالىعىندا 5،3 گەكتار اۋماققا سانيتارلىق تازالىق جۇرگىزىلىپ، تولەمەتوۆ كوشەسىندەگى ورماندار قالپىنا كەلتىرىلگەن. دەندروساياباققا التى اي ىشىندە 101 578 ادام كەلگەن.
ايتا كەتەيىك، «شىمكەنت مەملەكەتتىك دەندرولوگيالىق ساياباعى» مەملەكەتتىك كوممۋنالدىق قازىنالىق كاسىپورىنىنىڭ جالپى جەر كولەمى 129،37 گەكتاردى الىپ جاتىر. ونىڭ ىشىندە قوشقار-اتا ۋچاسكەسى 12،33 گا. دەندروساياباق فلوراسى 5 گەوگرافيالىق ايماققا بولىنگەن: شىعىس ازيا، ورتا ازيا - قازاقستان، سولتۇستىك امەريكا، قيىر ءشىعىس-سىبىر، ەۆروپا قىرىم-كاۆكاز.
