– Prezidentimiz ótken jyldy Abaiǵa arnap bastasa, biyl ár qazaqstandyqty jigerlendiretin, qairattandyratyn suhbatymen erekshelendi. Tushyna oqyp, kókeige toqyp, jáne sony halyqqa jetkizý ústindemiz. Jalpy suhbatty úsh úlken bólikke qarastyrýǵa bolady. Birinshisi, memlekettiń ishki saiasatyndaǵy ózekti áleýmettik máseleler jiktelip, túsindirilse, ekinshi úlken bólimine syrtqy saiasattaǵy qarym-qatynastardy jatqyzýǵa bolady.
Alpaýyt eldermen kórshiles otyrǵan memleketimiz bul jolda úlken parasattylyq tanytpasa, qaýipti ekenin bárimiz bilemiz. Al sońǵy topqa aldaǵy kezeńderdegi strategiialyq baǵyttardy jatqyzamyz. Bolashaqqa baǵdarmen qaraityn saiasatker retinde Q.Kemeluly bul jerde de kóptiń kókeiidle júrgen túitkildi máselelerdi eskerýsiz qaldyrmai, jan-jaqty saralap bergen.
Ózim de saiasatker bolǵandyqtan sońǵy ýaqyttarda elimizde bolyp jatqan saiasi úrdisterdi ońdy jaǵynan baǵalap júrmin, - degen Jomart myrzanyń sózin AMANAT partiiasy Medeý aýdandyq filialynyń tóraǵasy Azat Alimhanuly quptady.
– Biylǵy jyldy Memleket basshysy erekshe jyl dep ataǵanyn bilemiz. Óitkeni biyl elimizdiń abyroiyn, bedelin tanytatyn birneshe halyqaralyq jiyn ótpek. Sondai-aq Ulttyq quryltai otyrysy da kóktemge josparlanyp otyr. Birneshe aitýly datalar bar. Oǵan qosa ideologiialyq jumystarymyzdy da aqsatpaýymyz kerekpiz. Qazaqta «Saýsaq birikpei, ine ilikpeidi» degen támsil bar, endeshe bárimiz aýyzbirshilikte eńbek etip, el mereiin asqaqtatýǵa atsalysaiyq.
Kezdesýdi qorytyndylaǵan filarmoniianyń direktory Aqan Abdýaliev suhbattaǵy «zań men tártip» qaǵidatynyń ornyqqanyn qalaityn Prezident bastamasyn bir kisidei qoldaýǵa shaqyrdy. Turmystyq zorlyq-zombylyqqa qatysty jazany qataitýdyń ózi kóńilge sep beretindigin jetkizdi. Babalar qanymen, Alashtyń janymen jetken táýelsizdigimizdiń qundylyǵyn baǵalap, ulttyq rýhta ortaq maqsatqa birige eńbek eteiik degen tilegin jetkizdi.
Jáne AMANAT partiiasy Medeý aýdandyq filialynyń tóraǵasy Azat Ajimanovqa, Abai atyndaǵy QazUPÝ saiasattaný jáne áleýmettik-filosofiialyq pánder kafedrasynyń meńgerýshisi, saiasi ǵylymdarynyń doktory, professor Jomart Qudaibergenulyna filarmoniia ujymynyń atynan alǵys bildirdi.
Merýert MÁÝLETQYZY
