– پرەزيدەنتىمىز وتكەن جىلدى ابايعا ارناپ باستاسا، بيىل ءار قازاقستاندىقتى جىگەرلەندىرەتىن، قايراتتاندىراتىن سۇحباتىمەن ەرەكشەلەندى. تۇششىنا وقىپ، كوكەيگە توقىپ، جانە سونى حالىققا جەتكىزۋ ۇستىندەمىز. جالپى سۇحباتتى ءۇش ۇلكەن بولىككە قاراستىرۋعا بولادى. ءبىرىنشىسى، مەملەكەتتىڭ ىشكى ساياساتىنداعى وزەكتى الەۋمەتتىك ماسەلەلەر جىكتەلىپ، تۇسىندىرىلسە، ەكىنشى ۇلكەن بولىمىنە سىرتقى ساياساتتاعى قارىم-قاتىناستاردى جاتقىزۋعا بولادى.
الپاۋىت ەلدەرمەن كورشىلەس وتىرعان مەملەكەتىمىز بۇل جولدا ۇلكەن پاراساتتىلىق تانىتپاسا، ءقاۋىپتى ەكەنىن ءبارىمىز بىلەمىز. ال سوڭعى توپقا الداعى كەزەڭدەردەگى ستراتەگيالىق باعىتتاردى جاتقىزامىز. بولاشاققا باعدارمەن قارايتىن ساياساتكەر رەتىندە ق.كەمەل ۇلى بۇل جەردە دە كوپتىڭ كوكەيىدلە جۇرگەن تۇيتكىلدى ماسەلەلەردى ەسكەرۋسىز قالدىرماي، جان-جاقتى سارالاپ بەرگەن.
ءوزىم دە ساياساتكەر بولعاندىقتان سوڭعى ۋاقىتتاردا ەلىمىزدە بولىپ جاتقان ساياسي ۇردىستەردى وڭدى جاعىنان باعالاپ ءجۇرمىن، - دەگەن جومارت مىرزانىڭ ءسوزىن AMANAT پارتياسى مەدەۋ اۋداندىق فيليالىنىڭ ءتوراعاسى ازات اليمحان ۇلى قۇپتادى.
– بيىلعى جىلدى مەملەكەت باسشىسى ەرەكشە جىل دەپ اتاعانىن بىلەمىز. ويتكەنى بيىل ەلىمىزدىڭ ابىرويىن، بەدەلىن تانىتاتىن بىرنەشە حالىقارالىق جيىن وتپەك. سونداي-اق ۇلتتىق قۇرىلتاي وتىرىسى دا كوكتەمگە جوسپارلانىپ وتىر. بىرنەشە ايتۋلى داتالار بار. وعان قوسا يدەولوگيالىق جۇمىستارىمىزدى دا اقساتپاۋىمىز كەرەكپىز. قازاقتا «ساۋساق بىرىكپەي، ينە ىلىكپەيدى» دەگەن ءتامسىل بار، ەندەشە ءبارىمىز اۋىزبىرشىلىكتە ەڭبەك ەتىپ، ەل مەرەيىن اسقاقتاتۋعا اتسالىسايىق.
كەزدەسۋدى قورىتىندىلاعان فيلارمونيانىڭ ديرەكتورى اقان ابدۋالييەۆ سۇحباتتاعى «زاڭ مەن ءتارتىپ» قاعيداتىنىڭ ورنىققانىن قالايتىن پرەزيدەنت باستاماسىن ءبىر كىسىدەي قولداۋعا شاقىردى. تۇرمىستىق زورلىق-زومبىلىققا قاتىستى جازانى قاتايتۋدىڭ ءوزى كوڭىلگە سەپ بەرەتىندىگىن جەتكىزدى. بابالار قانىمەن، الاشتىڭ جانىمەن جەتكەن تاۋەلسىزدىگىمىزدىڭ قۇندىلىعىن باعالاپ، ۇلتتىق رۋحتا ورتاق ماقساتقا بىرىگە ەڭبەك ەتەيىك دەگەن تىلەگىن جەتكىزدى.
جانە AMANAT پارتياسى مەدەۋ اۋداندىق فيليالىنىڭ ءتوراعاسى ازات اجيمانوۆقا، اباي اتىنداعى قازۇپۋ ساياساتتانۋ جانە الەۋمەتتىك-فيلوسوفيالىق پاندەر كافەدراسىنىڭ مەڭگەرۋشىسى، ساياسي عىلىمدارىنىڭ دوكتورى، پروفەسسور جومارت قۇدايبەرگەنۇلىنا فيلارمونيا ۇجىمىنىڭ اتىنان العىس ءبىلدىردى.
مەرۋەرت ماۋلەت قىزى
