Atalǵan máselege bailanysty Saýran aýdany ákiminiń mindetin ýaqytsha atqarýshy Erbol Janǵaziev, aýyldyq okrýg ákimderi jáne tiisti sala basshylary aýdan aýmaǵyn aralap, Shornaq aýyldyq okrýginde ornalasqan «Sauran Plast» óndiris ornyna arnaiy baryp, jumysymen tanysty.
Óndiris orny qatty turmystyq qaldyqtardy óńdep, odan shikizat shyǵarýdy qolǵa alǵan.
Elimizdiń ózge de oblystarynan turmystyq qaldyqtardy jinap, óńdeýde. Óndiris ornynyń basshysy Qanat Kósherbaev aldaǵy ýaqytta ónim kólemin arttyryp, shikizattan plastikalyq qubyr shyǵarýdy josparlap otyrǵandyǵyn jetkizdi.
Jobanyń qýattylyǵyn jylyna 500 tonnaǵa jetkizý kózdelýde. Zaýytta búgingi tańda 30 adam turaqty jumyspen qamtylǵan.
Aralaý barysynda Erbol Janǵaziev barlyq aýyldyq okrýg ákimderine sanitarlyq tazalyq jumystaryn kúsheitýdi jáne aýyl-aimaqtarda jinalǵan qatty turmystyq qaldyqtardy atalǵan orynǵa ótkizýdi mindettep, naqty tapsyrmalar júktedi.
