Túrkistan oblysyna jumys saparymen QR Saýda jáne integratsiia vitse-ministri Qairat Tórebaev bardy. Issapar barysynda vitse-ministr oblys ákiminiń orynbasary Nuralhan Kósherovpen birge oblystyń birqatar ónerkásip oryndarynyń jumysymen tanysyp, kásiporyn ielerimen tildesti, dep habarlaidy Dalanews.kz Túrkistan oblysy ákiminiń baspasóz qyzmetine silteme jasap.
Óńirdiń investitsiialyq klimatyn jetildirý joldaryn talqylap, biznes ókilderiniń usynystaryn tyńdady.
Qairat Tórebaev, aldymen, oblys aýmaǵynda ornalasqan Óndiris ornynda bolyp, onda ornalasqan birqatar kásiporyndardyń jumysymen tanysty.
Túrkistan oblysy halqynyń negizi tabys kózi aýyl sharýashylyǵy bolǵandyqtan, kókónis saqtaityn zamanaýi qoimanyń qajettiligi orasan.
Ónidiris aimaǵynda negizi qalanǵan qoima jobasynyń bastamashysy ári júzege asyrýshysy – «Túrkistan» áleýmettik-kásipkerlik korporatsiiasy.
Jobanyń seriktesi – «M-Adal» JShS.
1 gektar aýmaqta boi kóterip jatqan qoimanyń kólemi – 3264 sharshy metr. Saýran aýdany aýmaǵynda ornalasqan bul qoimada maýsymyna 4000 tonna kókónis saqtalady. Munda 35 adam jumyspen qamtylmaq. Qoimada iri 9 kamera bar. Tórt kameranyń árqaisysynda 500 tonnadan, jalpy kólemi 2 myń tonna kartop saqtalsa, eki kamerasyna 500 tonnadan, jalpy 1000 tonna piiaz saqtalmaýǵa múmkindik bar. Sonymen qatar 250 tonna sábiz, qyryqqabat saqtaityn kameralary da iske qosylady dep josparlanǵan. Al 500 tonna kókónis qurǵaq qoimada ornalastyrylady.
Odan soń, vitse- ministr elimizdegi tuńǵysh sý únemdeý qurylǵylaryn shyǵaratyn «BNK Group LTD» JShS jumysymen tanysty.
Negizgi maqsat – jańa tehnologiianyń kómegimen sý únemdei otyryp, ónim kólemin arttyrý. Biyl óńirde sý únemdeý tehnologiiasyn qoldaný arqyly ónimdi 22 myń gektarǵa deiin arttyrý josparlanǵan.
Kásiporyn basshysy Niiazáli Beisenbaev óndiris ornynyń aldaǵy josparlarymen bólisip, taýar ótkizý naryǵyn keńeitý, memleket tarapynan yntalandyrý sharalaryn arttyrý boiynsha usynysyn jetkizdi. Keiinnen vitse-ministr Óndiris aýmaǵynda ornalasqan jihaz shyǵaratyn kásiporynda boldy.
«Aqniet Holding» tolyq óndiristik tsikli bar otandyq jihaz kompaniiasy.
Kásiporynda 97 adam jumys isteidi. Munda jylyna 34 myń jihaz jáne 24 myń mektep partasy jasap, shyǵarylady. Bul joba ishki naryqtyń suranysyn qanaǵattandyryp qana qoimai, Qazaqstannyń eksporttyq áleýetin keńeitýge yqpal etpek. Jalpy Túrkistan oblysynda jihaz óndirisi qarqyndy damyp keledi. Onyń dáleli - jihaz ónerkásibine investitsiia tartý boiynsha oblys Respýblikada kósh bastap tur. Ótken jyly óńirdiń jihaz ónerkásibine 13,2 mlrd teńge investitsiia salynyp, respýblikalyq kórsetkishtiń 76,8 paiyzyn qurady.
Sonymen qatar, Qairat Tórebaev túie sútinen qurǵaq untaq shyǵaratyn zaýytta boldy. Túrkistan qalasynyń mańynda ornalsqan «Golden camel» zaýytynyń ónimderi eksportqa negizdelgen. Óndiris orny Qytai men Germaniiadan jetkizilgen zamanaýi qurylǵylarmen jabdyqtalǵan. Búginde kompaniianyń jyldyq óndirisi 480 tonna túie súti untaǵyn quraidy. Munda 100-den asa jergilikti turǵyn turaqty jumyspen qamtylǵan.
Sondai-aq, Qairat Tórebaev óńirdiń biznes ókilderimen erkin formatta kezdesý ótkizdi. Jiynǵa Túrkistan oblysy ákiminiń orynbasary Nuralhan Kósherov moderatorlyq etti. Vitse-ministr Ministrlik tarapynan osy baǵytta atqarylyp jatqan jumystar týraly baiandap, aldaǵy josparlarmen bólisti. Jergilikti kásipkerler biznes júrgizý úshin qalyptasqan jaǵdaidy odan ári jaqsartý boiynsha usynystaryn aityp, otandyq kásipkerlerdi qoldaýdyń jańa mehanizmderin engizý múmkindikterin qarastyrý týraly ótinishterin aitty. Odan bólek, basqosý barysynda otandyq ónimderdiń eksportyn ulǵaitý, turǵyndardyń tabysyn arttyrý jaiy talqylandy.
Jiyn sońynda Saýda jáne integratsiia vitse-ministri Qairat Tórebaev kóterilgen árbir másele nazaǵa alynyp, tiisti jumystar júrgiziletinin aitty. Kásipkerlikti damytýǵa Ministrlik bar kúshin salatynyn, usynystar boiynsha birlese otyryp jumys isteýge daiyn ekenin jetkizdi. Keibir máseleler boiynsha jumystar bastalyp ketkenin málimdedi. Jumystar baqylaýda bolady.
