تۇركىستان وبلىسىنا جۇمىس ساپارىمەن ق ر ساۋدا جانە ينتەگراسيا ۆيسە-مينيسترى قايرات تورەبايەۆ باردى. ءىسساپار بارىسىندا ۆيسە-مينيستر وبلىس اكىمىنىڭ ورىنباسارى نۇرالحان كوشەروۆپەن بىرگە وبلىستىڭ ءبىرقاتار ونەركاسىپ ورىندارىنىڭ جۇمىسىمەن تانىسىپ، كاسىپورىن يەلەرىمەن تىلدەستى، دەپ حابارلايدى Dalanews.kz تۇركىستان وبلىسى اكىمىنىڭ باسپا ءسوز قىزمەتىنە سىلتەمە جاساپ.
ءوڭىردىڭ ينۆەستيسيالىق كليماتىن جەتىلدىرۋ جولدارىن تالقىلاپ، بيزنەس وكىلدەرىنىڭ ۇسىنىستارىن تىڭدادى.
قايرات تورەبايەۆ، الدىمەن، وبلىس اۋماعىندا ورنالاسقان ءوندىرىس ورنىندا بولىپ، وندا ورنالاسقان ءبىرقاتار كاسىپورىنداردىڭ جۇمىسىمەن تانىستى.
تۇركىستان وبلىسى حالقىنىڭ نەگىزى تابىس كوزى اۋىل شارۋاشىلىعى بولعاندىقتان، كوكونىس ساقتايتىن زاماناۋي قويمانىڭ قاجەتتىلىگى وراسان.
ءونىدىرىس ايماعىندا نەگىزى قالانعان قويما جوباسىنىڭ باستاماشىسى ءارى جۇزەگە اسىرۋشىسى – «تۇركىستان» الەۋمەتتىك-كاسىپكەرلىك كورپوراسياسى.
جوبانىڭ سەرىكتەسى – «م-ادال» ج ش س.
1 گەكتار اۋماقتا بوي كوتەرىپ جاتقان قويمانىڭ كولەمى – 3264 شارشى مەتر. ساۋران اۋدانى اۋماعىندا ورنالاسقان بۇل قويمادا ماۋسىمىنا 4000 توننا كوكونىس ساقتالادى. مۇندا 35 ادام جۇمىسپەن قامتىلماق. قويمادا ءىرى 9 كامەرا بار. ءتورت كامەرانىڭ ءارقايسىسىندا 500 توننادان، جالپى كولەمى 2 مىڭ توننا كارتوپ ساقتالسا، ەكى كامەراسىنا 500 توننادان، جالپى 1000 توننا پياز ساقتالماۋعا مۇمكىندىك بار. سونىمەن قاتار 250 توننا ءسابىز، قىرىققابات ساقتايتىن كامەرالارى دا ىسكە قوسىلادى دەپ جوسپارلانعان. ال 500 توننا كوكونىس قۇرعاق قويمادا ورنالاستىرىلادى.
ودان سوڭ، ۆيسە- مينيستر ەلىمىزدەگى تۇڭعىش سۋ ۇنەمدەۋ قۇرىلعىلارىن شىعاراتىن «BNK Group LTD» ج ش س جۇمىسىمەن تانىستى.
نەگىزگى ماقسات – جاڭا تەحنولوگيانىڭ كومەگىمەن سۋ ۇنەمدەي وتىرىپ، ءونىم كولەمىن ارتتىرۋ. بيىل وڭىردە سۋ ۇنەمدەۋ تەحنولوگياسىن قولدانۋ ارقىلى ءونىمدى 22 مىڭ گەكتارعا دەيىن ارتتىرۋ جوسپارلانعان.
كاسىپورىن باسشىسى ءنيازالى بەيسەنبايەۆ ءوندىرىس ورنىنىڭ الداعى جوسپارلارىمەن ءبولىسىپ، تاۋار وتكىزۋ نارىعىن كەڭەيتۋ، مەملەكەت تاراپىنان ىنتالاندىرۋ شارالارىن ارتتىرۋ بويىنشا ۇسىنىسىن جەتكىزدى. كەيىننەن ۆيسە-مينيستر ءوندىرىس اۋماعىندا ورنالاسقان جيھاز شىعاراتىن كاسىپورىندا بولدى.
«اقنيەت Holding» تولىق وندىرىستىك سيكلى بار وتاندىق جيھاز كومپانياسى.
كاسىپورىندا 97 ادام جۇمىس ىستەيدى. مۇندا جىلىنا 34 مىڭ جيھاز جانە 24 مىڭ مەكتەپ پارتاسى جاساپ، شىعارىلادى. بۇل جوبا ىشكى نارىقتىڭ سۇرانىسىن قاناعاتتاندىرىپ قانا قويماي، قازاقستاننىڭ ەكسپورتتىق الەۋەتىن كەڭەيتۋگە ىقپال ەتپەك. جالپى تۇركىستان وبلىسىندا جيھاز ءوندىرىسى قارقىندى دامىپ كەلەدى. ونىڭ دالەلى - جيھاز ونەركاسىبىنە ينۆەستيسيا تارتۋ بويىنشا وبلىس رەسپۋبليكادا كوش باستاپ تۇر. وتكەن جىلى ءوڭىردىڭ جيھاز ونەركاسىبىنە 13،2 ملرد تەڭگە ينۆەستيسيا سالىنىپ، رەسپۋبليكالىق كورسەتكىشتىڭ 76،8 پايىزىن قۇرادى.
سونىمەن قاتار، قايرات تورەبايەۆ تۇيە سۇتىنەن قۇرعاق ۇنتاق شىعاراتىن زاۋىتتا بولدى. تۇركىستان قالاسىنىڭ ماڭىندا ورنالسقان «Golden camel» زاۋىتىنىڭ ونىمدەرى ەكسپورتقا نەگىزدەلگەن. ءوندىرىس ورنى جۇڭگو مەن گەرمانيادان جەتكىزىلگەن زاماناۋي قۇرىلعىلارمەن جابدىقتالعان. بۇگىندە كومپانيانىڭ جىلدىق ءوندىرىسى 480 توننا تۇيە ءسۇتى ۇنتاعىن قۇرايدى. مۇندا 100-دەن اسا جەرگىلىكتى تۇرعىن تۇراقتى جۇمىسپەن قامتىلعان.
سونداي-اق، قايرات تورەبايەۆ ءوڭىردىڭ بيزنەس وكىلدەرىمەن ەركىن فورماتتا كەزدەسۋ وتكىزدى. جيىنعا تۇركىستان وبلىسى اكىمىنىڭ ورىنباسارى نۇرالحان كوشەروۆ مودەراتورلىق ەتتى. ۆيسە-مينيستر مينيسترلىك تاراپىنان وسى باعىتتا اتقارىلىپ جاتقان جۇمىستار تۋرالى بايانداپ، الداعى جوسپارلارمەن ءبولىستى. جەرگىلىكتى كاسىپكەرلەر بيزنەس جۇرگىزۋ ءۇشىن قالىپتاسقان جاعدايدى ودان ءارى جاقسارتۋ بويىنشا ۇسىنىستارىن ايتىپ، وتاندىق كاسىپكەرلەردى قولداۋدىڭ جاڭا مەحانيزمدەرىن ەنگىزۋ مۇمكىندىكتەرىن قاراستىرۋ تۋرالى وتىنىشتەرىن ايتتى. ودان بولەك، باسقوسۋ بارىسىندا وتاندىق ونىمدەردىڭ ەكسپورتىن ۇلعايتۋ، تۇرعىنداردىڭ تابىسىن ارتتىرۋ جايى تالقىلاندى.
جيىن سوڭىندا ساۋدا جانە ينتەگراسيا ۆيسە-مينيسترى قايرات تورەبايەۆ كوتەرىلگەن ءاربىر ماسەلە نازاعا الىنىپ، ءتيىستى جۇمىستار جۇرگىزىلەتىنىن ايتتى. كاسىپكەرلىكتى دامىتۋعا مينيسترلىك بار كۇشىن سالاتىنىن، ۇسىنىستار بويىنشا بىرلەسە وتىرىپ جۇمىس ىستەۋگە دايىن ەكەنىن جەتكىزدى. كەيبىر ماسەلەلەر بويىنشا جۇمىستار باستالىپ كەتكەنىن مالىمدەدى. جۇمىستار باقىلاۋدا بولادى.
