2025 jyldyń qorytyndylaryn taldaý maqsatynda Qazaqstannyń barlyq óńirin qamtyǵan jáne 1000 respondenttiń qatysýymen jalpyulttyq áleýmettanýlyq saýalnama ótkizildi, dep habarlaidy Dalanews.kz.
Zertteý nátijeleri azamattardyń ótip bara jatqan jyldy oń baǵalaitynyn baiqatady. Jahandyq turaqsyzdyq jaǵdaiynda mundai nátije qoǵamnyń bolyp jatqan ózgeristerge beiimdelý deńgeiiniń joǵary ekenin kórsetedi.
Jeke jetistikter men turaqtylyq jyly
«2025 jyl siz úshin qandai jyl boldy?» degen alǵashqy suraqqa respondentterdiń birazy aldymen oilanyp qaldy. Bul kúndelikti ómirdiń qarqyny aiasynda jyldyń tek syn-qaterlermen ǵana emes, sonymen qatar jetistiktermen de sipattalatynyn árdaiym birden ańǵarý múmkin emestigin aiǵaqtaidy. Sonymen qatar, saýalnama qorytyndylary oń baǵalardyń teris pikirlerden 3,5 ese basym ekenin kórsetti. Atap aitqanda, respondentterdiń tek 11%-y 2025 jyldy sátsiz dep baǵalasa, 37%-y ony tabysty jyl retinde ataǵan. Respondentterdiń basym bóligi (52%) jyldy aiqyn oń nemese teris úrdisterdiń basymdyǵy baiqalmaǵan, jalpy turaqty kezeń retinde sipattaǵan.
Jyl boiy qoǵamdyq kóńil kúidi qalyptastyrǵan negizgi oqiǵalar
2025 jylǵy jetistikter týraly sóz qozǵaǵanda, qazaqstandyqtar eń aldymen sport, tehnologiialar men tsifrlandyrý, kinoindýstriiany damytý, ónerkásip, sondai-aq mektepter, aýrýhanalar jáne ózge de áleýmettik nysandardyń salynýy siiaqty salalardy atap ótken.
Al respondentterge 2025 jyldyń eń jarqyn ári jaǵymdy oqiǵalaryn ataý usynylǵanda, eń kóp atalǵandary mynalar boldy:
- «Qairat» – «Real Madrid» arasyndaǵy tarihi match jáne sportshylarymyzdyń ózge de jetistikteri,
Álemdik juldyzdardyń kontsertteri (J Lo, Backstreet Boys) jáne túrli mereitoilyq sharalardy atap ótý (Abaidyń 180 jyldyǵy, Jeńistiń 80 jyldyǵy, Konstitýtsiianyń 30 jyldyǵy jáne basqalary),
Jańa mektepter men aýrýhanalardyń ashylýy, infraqurylymdy jaqsartý (joldar, qalalyq abattandyrý jáne t.b.),
Jasandy intellekt salasyndaǵy iri jetistikter (Alem.ai, sýperkompiýter, Higgsfield AI),
Prezidenttiń halyqaralyq deńgeidegi kezdesýleri (Donald Tramp, Si Tszinpin jáne t.b.).
Oń oqiǵalar jyl boiy tek kóńil-kúidiń kóterilýin qana emes, sonymen birge eldiń bilim berý, densaýlyq saqtaý, ekologiia jáne tehnologiialar siiaqty negizgi salalarynda naqty ózgerister men jetistikterdiń bar ekenin kórsetedi.
Osy turǵyda eldiń damý baǵytyn qoldaý zertteý nátijelerindegi naqty derektermen de rastalady:
Qazaqstandyqtardyń 71%-y eldiń durys baǵytta damyp kele jatqanyn atap ótti. Bul derek jyldaǵy oqiǵalardy kópshiliktiń eldiń turaqty damýy men memlekettik saiasattyń turaqtylyǵymen bailanystyratynyn kórsetedi.
Qazaqstandyqtardyń 77%-y Prezidenttiń qyzmetin qoldaitynyn bildirdi. Qoldaýdyń osyndai joǵary deńgeii Prezidentti eldiń damýynyń durys baǵytyn aiqyndaityn kóshbasshy retinde qabyldaitynyn kórsetedi.
Eldiń damý baǵytyna degen senimdilik pen Prezidentke berilgen joǵary qoldaý qoǵamda Qazaqstannyń aldaǵy damý baǵyty jóninde birtutas kózqarastyń qalyptasqanyn aiqyndaidy.
