Sátbaevta kiberqylmysqa qarsy kúres júrgizgen tártip saqshylary birneshe jyl boiy bir otbasyny qorqytyp kelgen kúdiktini qolǵa túsirdi. 22 jastaǵy azamat túrli jalǵan akkaýnttar men tsifrlyq tehnologiialardy paidalanyp, jábirlenýshini uzaq ýaqyt boiy júieli túrde bopsalaǵan, dep habarlaidy Dalanews.kz.
Tergeý málimetinshe, barlyǵy qyzdyń tanysý usynysyn qabyldamaǵanynan bastalǵan. Osydan soń kúdikti onyń týystary men jaqyndaryna jalǵan "intimdik" sipattaǵy dipfeik materialdar taratyp, qorqytý habarlamalaryn jibergen.
2023 jyly qoldan jasalǵan jala jabatyn materialdar qyzdyń bolashaq kúieý jigitine joldanyp, nátijesinde eki jastyń qudalyǵy buzylǵan.
Jábirlenýshi áleýmettik jelilerden ketkennen keiin de qýdalaý toqtamaǵan. Kúdikti onyń týysyna aýysyp, búkil otbasynyń, sonyń ishinde balalardyń qaýipsizdigine qaýip tóndiretin áreketterin jalǵastyrǵan.
Kúdikti turǵylyqty mekenjaiynda ustalyp, elektrondy qurylǵylary tárkilendi. Qazir ol qamaýda, al politsiia onyń basqa da uqsas qylmystarǵa qatysy bolýy múmkin ekenin tekserip jatyr.
