ساتبايەۆتا كيبەرقىلمىسقا قارسى كۇرەس جۇرگىزگەن ءتارتىپ ساقشىلارى بىرنەشە جىل بويى ءبىر وتباسىنى قورقىتىپ كەلگەن كۇدىكتىنى قولعا ءتۇسىردى. 22 جاستاعى ازامات ءتۇرلى جالعان اككاۋنتتار مەن سيفرلىق تەحنولوگيالاردى پايدالانىپ، جابىرلەنۋشىنى ۇزاق ۋاقىت بويى جۇيەلى تۇردە بوپسالاعان، دەپ حابارلايدى Dalanews.kz.
تەرگەۋ مالىمەتىنشە، بارلىعى قىزدىڭ تانىسۋ ۇسىنىسىن قابىلداماعانىنان باستالعان. وسىدان سوڭ كۇدىكتى ونىڭ تۋىستارى مەن جاقىندارىنا جالعان "ينتيمدىك" سيپاتتاعى ديپفەيك ماتەريالدار تاراتىپ، قورقىتۋ حابارلامالارىن جىبەرگەن.
2023 جىلى قولدان جاسالعان جالا جاباتىن ماتەريالدار قىزدىڭ بولاشاق كۇيەۋ جىگىتىنە جولدانىپ، ناتيجەسىندە ەكى جاستىڭ قۇدالىعى بۇزىلعان.
جابىرلەنۋشى الەۋمەتتىك جەلىلەردەن كەتكەننەن كەيىن دە قۋدالاۋ توقتاماعان. كۇدىكتى ونىڭ تۋىسىنا اۋىسىپ، بۇكىل وتباسىنىڭ، سونىڭ ىشىندە بالالاردىڭ قاۋىپسىزدىگىنە ءقاۋىپ توندىرەتىن ارەكەتتەرىن جالعاستىرعان.
كۇدىكتى تۇرعىلىقتى مەكەنجايىندا ۇستالىپ، ەلەكتروندى قۇرىلعىلارى تاركىلەندى. ءقازىر ول قاماۋدا، ال پوليسيا ونىڭ باسقا دا ۇقساس قىلمىستارعا قاتىسى بولۋى مۇمكىن ەكەنىن تەكسەرىپ جاتىر.
