Sarqannyń 20 oqýshysy «Baiantaýǵa» baryp qaitty
Sarqan aýdanynyń týmasy Nurlan Aryn ata-ananyń qaraýynsyz qalǵan, turmys jaǵdaiy tómen jáne úzdik oqýshylardyń «Baiantaý» sporttyq-saýyqtyrý lagerine 10 kún demalyp qaitýyna demeýshilik etti.
«Baiantaý» demalys úiiniń aýmaǵynda ashana, meditsinalyq pýnkt, kúzet úii, ákimshilik korpýsy jumys isteidi. Demalys úii zaman talabyna sai jasalynǵan. Demalýshylarǵa tórt mezgil tamaq beriledi. Sporttyq jáne mádeni-qoǵamdyq is-sharalar men qatar ekskýrsiia uiymdastyrylady. Jalpy, demeýshilik quny 1 million 500 myń teńgeni quraidy.
Sonymen qatar Nurlan Muhtaruly jyl saiyn týǵan jeri Sarqan aýdanyna kelip, jerlesterine tegin meditsinalyq qyzmet kórsetýdi dástúrge ainaldyrǵan. Taldyqorǵan, Túrkistan, Pavlodar, Astana qalalarynda, Qarasai aýdandarynyń ortalyqtarynda jáne Ońtústik Qazaqstan oblysynyń Ordabasy aýdanynda 700-den astam ártúrli ota jasaǵan ol bul qadamyn perzenttik paryzym dep sanaidy.
Biyl qalqansha bezi men búirekke jáne ginekologiialyq 11 kúrdeli ota jasaǵan. Jyl basynan beri áiel adamnyń analyq bezi isigin, jelkedegi lipomany alý siiaqty kúrdeli 23 operatsiiany tegin jasady. Aldaǵy ýaqytta taǵy da kúrdeli operatsiialar jasaýdy josparlap otyr.
Aita keteiik, ǵalymnyń 220-dan astam ǵylymi eńbegi, onyń ishinde 6 monografiiasy, 11 ádistemelik usynysy jáne Qazaqstan men KSRO-nyń 35 avtorlyq ónertabys kýáligi bar. Óziniń basshylyǵymen meditsina ǵylymynyń ózekti máselelerine arnalǵan úsh ǵylymi jumys jinaǵy jaryq kórgen. Balalar hirýrgiiasy salasynyń 1 doktoryn, 8 kandidatyn daiarlap shyǵardy. Sondai-aq respýblikalyq jáne sheteldik konferentsiialarda, simpoziým, sezderde baiandamalar jasap júr. El aldyndaǵy eńbegi elengen Nurlan Aryn «Qazaqstan Respýblikasy ǵylymynyń damýyna qosqan eńbegi úshin» medaliniń iegeri.
Baljan QAIRATQYZY
