Sarjal dese kópshiliktiń esine qazaqtyń sýsyny qymyz eske túsedi.
Búginde Abai aýdany Sarjal aýylynyń azamattary el basyna túsken aýyr kezeńde aǵaiynǵa demeý bolýda.
Sarjaldyqtar Semei qalasynyń aýrýhanasynda indetke shaldyqqan jandarǵa jáne pandemiia bastalǵaly beri virýstyń aldyńǵy shebinde júrgen aq halatty abzal jandarǵa 1 tonna qymyzdy tegin jetkizip berdi. Bastama QMDB Zeket qory uiymdastyrýymen "Ómirge úmit syila" aktsiiasy aiasynda ótti.
Sondai-aq Zeket qory uiymdastyrýymen 120 adamǵa tamaq daiyndalyp taratyldy.
"Osyndai qiyn kezeńde bir jaǵadan bas, bir jeńnen qol shyǵaryp, bereke men birliktiń arqasynda judyryq bolyp jumylǵan barlyq jandarǵa alǵysymyz sheksiz" deidi Semei óńiriniń Bas imamy Asqar Muqanov.
QÝANYSh RAHMETOLLAULY
