سارجال دەسە كوپشىلىكتىڭ ەسىنە قازاقتىڭ سۋسىنى قىمىز ەسكە تۇسەدى.
بۇگىندە اباي اۋدانى سارجال اۋىلىنىڭ ازاماتتارى ەل باسىنا تۇسكەن اۋىر كەزەڭدە اعايىنعا دەمەۋ بولۋدا.
سارجالدىقتار سەمەي قالاسىنىڭ اۋرۋحاناسىندا ىندەتكە شالدىققان جاندارعا جانە پاندەميا باستالعالى بەرى ۆيرۋستىڭ الدىڭعى شەبىندە جۇرگەن اق حالاتتى ابزال جاندارعا 1 توننا قىمىزدى تەگىن جەتكىزىپ بەردى. باستاما قمدب زەكەت قورى ۇيىمداستىرۋىمەن "ومىرگە ءۇمىت سىيلا" اكسياسى اياسىندا ءوتتى.
سونداي-اق زەكەت قورى ۇيىمداستىرۋىمەن 120 ادامعا تاماق دايىندالىپ تاراتىلدى.
"وسىنداي قيىن كەزەڭدە ءبىر جاعادان باس، ءبىر جەڭنەن قول شىعارىپ، بەرەكە مەن بىرلىكتىڭ ارقاسىندا جۇدىرىق بولىپ جۇمىلعان بارلىق جاندارعا العىسىمىز شەكسىز" دەيدى سەمەي ءوڭىرىنىڭ باس يمامى اسقار مۇقانوۆ.
قۋانىش راحمەتوللا ۇلى
