Saryaǵashtyń sharýalary 4200 tonna ónim óndirdi
Qojalyq tóraǵasy isiniń oidaǵydai ilgerileýin kásipkerlikti qoldaýǵa baǵyttalǵan memlekettik baǵdarlamalarmen bailanystyrady.
– Jalpy jer kólemi 30 gektar bolsa, 28 gektaryna jylyjai salynǵan. Onyń 24 gektaryna qyzanaq, 4 gektaryna baklajan egilgen. Jalpy alǵanda 840 myń túp kóshet otyrǵyzyldy. Munda tamshylatyp sýarý ádisi qoldanylady. Tehnologiia boiynsha sapaly ónim alý úshin tiisti jaǵdaidyń bári jasalǵan. Demek, egilgen árbir túpten 4-5 keli ónim alýdamyz. Bastysy bizdiń taýarǵa degen suranys joǵary. Bir sózben aitqanda josparymyz oidaǵydai júzege asyp keledi, –dedi Ergesh Tórebekov.
Jylyjaida 80 adam jumys isteidi. Daiyn ónim óńirimizden bólek, Astana, Almaty qalalary jáne soltústik oblystarǵa jóneltilýde. Taýardyń 50 paiyzǵa jýyǵy Reseige eksporttalady.
Sondai-aq, tilshiler Saryaǵash qalasynyń Ortalyq saiabaǵynda bolyp, ondaǵy atqarylyp jatqan sharýalarmen de tanysty. Jalpy 5,6 gektar aýmaqty alyp jatqan saiabaqta qala turǵyndary men qonaqtarynyń serýendep, ýaqyttaryn qyzyqty ótkizý úshin tiisti jaǵdai jasalǵan.
Qoǵamdyq oryn jeke kásipkerge 10 jylǵa investitsiialyq jolmen jalǵa berilip otyr. Isabek Túktibaev óz qarajaty esebinen 115 mln. teńge qarjy jumsap, saiabaqty oiyn-saýyq ortalyǵyna ainaldyrýdy josparlaǵan. Joba júzege assa bir mezette 550 balaǵa deiin qabyldaityn ortalyqqa ainalatyn bolady. Qazirdiń ózinde onda túrli 18 oiyn attraktsiondary ornatylǵan. Biyl qosymsha 7 oiyn alańsha iske qosylatyn bolady. Sondai-aq, kógaldandyrý jumystary da nazardan tys qalmaq emes.
Túrkistan oblysy ákiminiń baspasóz qyzmeti
