Saryaǵash aýdanyndaǵy jylyjai qyzanaq ósirýmen ainalysady. Aýmaǵy 7 ga bolatyn alqapta jylyna eki ret ónim jinalady. Alǵashqy kóshet aqpan aiynda otyrǵyzylyp, onyń ónimi mamyr-maýsym ailarynda jinalady. Ekinshi ret tamyzda qaita egilip, qazan men qarasha ailarynda jiyn-terim jumystary bastalady.
Qyzanaq jinaýdyń da siz ben biz bilmeitin ózindik erejeleri men talaptary bar.
Qazir munda 40-qa jýyq qoly bos qyz-kelinshek terim jumysyna qatysýda. Olardyń aldy kúnine 50-den 100 qorapqa deiin ónim jinaidy. Qazir jylyjaida qyzanaq terý jumystary qarqyndy júrgizilip jatyr.
Osyndaǵy mamandardyń aitýynsha, árbir túpten 7-8, tipti 10 kg deiin ónim alýǵa bolady. Jinalǵan daiyn ónim qoraptarǵa salynyp, qoimaǵa jetkiziledi. Jańa tehnologiiaǵa iek artqan diqandar onyń igiligin de kóre bastapty. Qazir 1 gektardan 100 tonna ónim jinaýda. Demek 7 gektardan 700 tonna qyzanaq teriledi. Sonda jylyna 1400 tonna ónim alynady.
Daiyn ónimniń 70 paiyzy elimizdiń ózge oblystaryna jóneltilse, qalǵan 30 paiyzy reseige eksporttalady. Qazir jylyjai ishindegi aýa birqalypty temperatýrany ustap turady. Eger shamadan tys ysi bastasa, avtomatty júie birden iske qosylyp, jylyjai terezeleri ashylady.
Jalpy, oblystaǵy jylyjailardyń 55 paiyzy osy Saryaǵash aýdanyna tiesili. Al respýblikadaǵy jylyjailardyń 80 paiyzy Túrkistan oblysynyń aýmaǵynda ornalasqanyn eskersek, jańa tehnologiialardy engizý arqyly ónim kólemin arttyrýǵa tolyq múmkindik bar.
