Jylyjaı sharýashylyǵy Saryǵash aýdanynda jyldan jylǵa kóbeıip, jalpy kólemi boıynshada, alynǵan ónimi boıynshada Respýblıkada kósh ilgeri turǵan sala. Máselen, 2007-2008 jyldary Jartytóbe men Derbisek aýyldyq okrýgterinde 32,5 gektar jerde ǵana jylyjaı bolǵan bolsa, odan keıingi jyldary jylyjaı 21 aýyldyq okrýgte ornalasyp, kólemi 664 gektarǵa jetti. Osy jylyjaılardan ótken jyly 120 myń 273 tonna ónim alyndy. Onyń ishinde 99 myń tonnadan astamy qyzanaq bolsa, al 21205 tonnasy qıar. Ár gektardan alynǵan ónimniń ortasha túsimdiligi 1866,6 sentnerdi qurady.
Al ótken jyly 72,2 gektar jerge jylyjaılar salynyp iske qosyldy. Atalǵan jylyjaılarda 13247 adam jumyspen qamtylǵan. Jylyjaılardan alynǵan ónim negizinen Qazaqstannyń soltústik aımaqtary men Reseı federasıasynyń kóptegen qalalarynyń kókóniske degen muqtajyn qamtamasyz etip otyr.
Sondaı-aq aýdanda jylyjaı sharýashylyǵyn damytý boıynsha sheberlik sabaqtary ótip turady. Onda mamandar jabyq topyraqta qyzanaq, qıar, baqsha ónimderin qalaı molynan alýǵa bolatynyn jáne jylyjaıdy qalaı salýdy, materıal, tuqym, tyńaıtqyshtar tańdaǵanda ne nársege nazar aýdarý qajettigin úıretedi.
Aıta keteıik, oblysta jylyjaı kólemi ótken jyly 212 gektarǵa artyp, jalpy 1 335 gektarǵa jetti.
OQO ákiminiń baspasóz qyzmeti
