Kóshet egýdiń qyr-syryn jetik meńgergen kópbalaly áke jylyna 5-6 myń kóshet shyǵarady.
Sonymen qatar kásipker jemis kóshetterin 2 jyl boiy ósirip, sonan soń saýdaǵa qoiady. Jalpy búginde atalǵan kóshetterge suranys joǵary, sondai-aq óńirden bólek, basqa da qaladan arnaiy kóshetke keletinder de az emes.
Saryaǵashtyq turǵynnyń aitýynsha, aldaǵy ýaqytta kóshet túrlerin kóbeitip, respýblika deńgeiinde saýdalaýdy josparlaýda. Búginde kásipker mezgilge qarai alma jemisiniń kóshetin ósirýde.
Málimetterge sáikes, búginde Jemisti aýyldynda 100-ge jýyq azamat kóshet shyǵarýmen ainalysyp óz kásipterin dóńgeletip keledi. Búgin aýdan basshysy Arman Abdýllaev Jemisti aýyldyq okrýgine arnaiy jumys saparmen baryp, kóshet ósirýmen ainalysatyn kásipkerdiń jumysymen tanysty.
Kásipkerlik jáne aýyl sharýashylyǵy bóliminiń basshysyna jáne aýyldyq okrýg ákimine aýyldyq okrýgte jastaryna kásp bastap ári damytýǵa arnalǵan memlekette «Aýyl amanaty» baǵdarlamasy boiynsha túsindirý jumystaryn júrgizip, zańǵa sáikes kómek berýdi tapsyrdy.
Aita keteiik, eldi mekende birqatar oń ózgeris bar. Jemisti aýylynda mańyzy bar Jemisti-A2 avtomobil jolynyń boiynda ornalasqan kópirge jóndeý jumystary júrgizilýde. Búginde kópirdi jóndeýden ótkizý úshin biýdjetten qarjy bólinip, merdiger tarapynan temir qorshaýlar ornatý jumystary bastaldy.
Qurylys jumystarymen tanysqan aýdan basshysy, tiisti bólim basshysy men merdiger mekeme ókiline belgilengen merzimde aiaqtap, turǵyndar igiligine berýdi tapsyrdy.
