Búgin Saryaǵash aýdandyq mádeniet úiinde jastar arasynda Hanbibi Esenqaraqyzynyń 75 jyldyq mereitoiyna arnalǵan «Hanbibi oqýlary» atty kórkemsóz oqý sheberleriniń baiqaýy ótti. Sóz saiysy qalamgerdiń shyǵarmashylyǵyn nasihattaýǵa, shyǵarmashylyq qabiletteri men estetikalyq talǵamdaryn, tulǵalyq sezim mádenietin damytýǵa, sondai-aq azamattyqqa baǵyttalǵan, – dep habarlaidy Dalanews.kz Túrkistan oblysy ákiminiń baspasóz qyzmetine silteme jasap.
Atalǵan sharaǵa aýdan ákimi Arman Abdýllaev arnaiy qatysty. Mereitoi iesin quttyqtap, arnaiy alǵys hatpen marapattady. Baiqaý qatysýshylaryna sáttilik tiledi. Atalǵan shara 2015 jyldan beri týǵan jeriniń maqtanyshyna ainalǵan qalamgerdiń shyǵarmashylyǵyna arnap jyl saiyn dástúrli túrde ótkiziledi.
Baiqaýǵa 17 úmitkerdiń ótinimi qabyldanyp, irikteldi. Qatysýshylardy syn súzgisinen sóz ónerin janymen uǵatyn ádil qazylar alqasy, atap aitqanda Qazaqstan Jazýshylar odaǵynyń múshesi Baqytjan Aldiiar, ardager ustaz Asqar Baizaqov, aqyn Sulýhan Myńbaeva, ustaz Jumagúl Qumanovalar tiisinshe oryndardy tabystady. Bas júldeni Jibek joly aýyldyq okrýginen Nursaia Oralbai, I oryndy Álimtaý aýyldyq okrýginen Nurdos Tursynbai, II oryndy Jylǵa aýyldyq okrýginen Aigúl Toǵyzbaeva, III oryndy Jibek joly aýyldyq okrýginen Balaýsa Ergesh, III oryndy Tegisshil aýyldyq okrýginen Raýana Arshabai jeńip aldy. Jeńimpazdar aýdan ákiminiń alǵys hattarymen marapattalyp, baǵaly syilyqtar tabystaldy.
Aita keteiik, Saryaǵash aýdanynyń týmasy Hanbibi Esenqaraqyzy – QR Eńbek sińirgen qyzmetkeri, Halyqaralyq «Alash» syilyǵynyń laýreaty, «Parasat», «Barys» ordenderiniń iegeri.
