Saryaǵashta "Otbasylyq sot" pilottyq jobasy tanystyryldy
Sharaǵa oblystyq sottyń sýdialary, aýdandyq sottardyń sýdialary, aýdannyń Ishki Ister basqarmasy basshysynyń orynbasary, bilim bóliminiń mamandary, aýdandyq prokýrordyń, Ishki saiasat bóliminiń bas mamanynyń, BUU ulttyq eksperti-psihologynyń, IIB zorlyq zombylyqtyń aldyn alý inspektory Saryaǵash aýdanynyń áielder keńesiniń tóraiymynyń, Sotqa deiin tatýlastyrý ortalyǵynyń mediatorlarynyń, Áleýmettik psihologiialyq súiemeldeý qyzmeti meńgerýshisiniń jáne BAQ ókilderiniń qatysty.
Dóńgelek ústeldi aýdandyq sottyń tóraǵasy T.Mashrapov júrgizip otyrdy. Ótkizilgen is-sharanyń qatysýshylaryna QR Joǵarǵy Soty usynǵan «Otbasylyq sot» pilottyq jobasynyń maqsat-mindetteri tanystyryldy.
Sodai-aq, kámeletke tolmaǵandardy mindetti tárbieleý boiynsha birlesken baǵdarlamalardyń qajettigine, otbasyn saqtap qalý maqsatynda bastapqy psihologiialyq kómek kórsetý, otbasylyq qundylyqtardy nasihattaý boiynsha is-sharalardy ótkizý, qamqorshylyq jasaý jáne kámeletke tolmaǵandardyń minez-qulqyn túzeý máseleleri boiynsha birlesken profilaktikalyq jumystardy júrgizý úshin qajetti jaǵdai jasaý kerektigin atap ótti.
Is-shara sońynda qatysýshylar óz oilaryn aityp, usynys-pikirlerin joldady. Is-sharaǵa qatysýshylar talqylanǵan taqyryp aiasynda pikir almasyp, balalardy mindetti tárbieleý boiynsha birlesken áleýmettik baǵdarlamalar ázirleýge qatysty usynystaryn engizdi.
Sonymen qatar, otbasy jáne balalyq shaqty qorǵaý máselelerimen ainalysatyn, sotqa deiingi tártipte daýdy sheshýge múmkindigi bar jáne otbasylyq daýlar boiynsha keńes berýdi qamtamasyz etetin mamandardyń, psihologtardyń kásibi deńgeiin joǵarylatý maqsatynda is-sharalar ótkizý jóninde usynystar engizdi.
