Saryaǵashta «Kúi qudireti» baiqaý ótti
Kúi óneriniń súleileri men dúleileriniń mýzykalyq muralaryn halyq arasynda keńinen nasihattaý, asqaq shyǵarmashylyqtaryn dáripteý, kúidi naqyshyna keltirip oryndaityn talanttardy tabý. Jastar arasynda dombyra aspabynyń qasietin uǵyndyrý maqsatynda ótken baiqaý eki kezeńnen turdy. Iaǵni I kezeńde shertpe kúi oryndalsa, II kezeńde tókpe kúiden úmitkerler básekege tústi. Baiqaýdy Saryaǵash aýdandyq mádeniet jáne tilderdi damytý bóliminiń basshysy Ábilázim Janshýaqov ashyp berip, úmitkerlerge sáttilik tiledi.
Qazylar alqasy kúi oryndaýshylyq sheberligine, sahna mádenieti men ulttyq kiimine jete kóńil aýdaryp,saiys sońynda kúi qudiretin jan dúniesimen sezip, dombyranyń qulaǵynda sheber oinai alatyn myqtynyń myqtysyn anyqtap dilomdar berildi. Barlyq baiqaýǵa qatysýshylarǵa baǵaly syilyqtarmen alǵys hattar tabystaldy. Atap aitqanda I-oryn B.Rahmatýlla, II-oryn N.Abatova, III-oryndy L.Pechaikina ielendi. Al, aýdan ákiminiń arnaiy júldesimen U.Tólegen, Súgir Áliuly atyndaǵy júldemen J.Pernebaev, Tólegen Mombekov atyndaǵy júldesimen J.Abdýmanapov marapattaldy.
Saryaǵash aýdany ákiminiń baspasóz qyzmeti
