Aýdan ákimi Arman Abdýllaev Tegisshil aýyldyq okrýgine baryp, birqatar qurylysy júrip jatqan áleýmettik nysandardy aralady. Aldymen, Mádeniet eldi mekeninde boi kóterip jatqan mádeniet úii men kitaphananyń qurylysymen tanysyp, merdiger mekemege jumysty sapaly ári merziminde aiaqtaýdy tapsyrdy, – dep habarlaidy Dalanews.kz
Búginde 75 oryndyq mádeniet úii men kitaphananyń qurylysyna biýdjetten qarjy bólinip, merdiger mekeme tarapynan nysannyń irgetasy qalanyp, kirpish qalaý jumystary júrgizilýde.
Túrkistan oblysynda 2024 jyly ótken «Úlgili aýyl» oblystyq baiqaýynyń nátijesi boiynsha júldeli orynǵa ie bolǵan aýylǵa biýdjet esebinen 1 áleýmettik nysan salýǵa arnaiy qarjy bólingen. Baiqaý nátijesi boiynsha Tegisshil aýyldyq okrýgi júldeli II orynǵa ie bolyp, búginde Mádeniet eldi mekeninde 75 oryndyq mádeniet úii men kitaphananyń qurylysy bastaldy.
Onan soń balalar oiyn alańshasy men kishi fýtbol alańynyń qurylys sapasyn baqylap, merdiger mekeme qyzmetkerlerimen kezdesti. Búginde balalar alańshasy jáne kishi fýtbol alańshasyna oblystyq biýdjetten qarjy qaralyp, jabdyqtardy ornatý jumystary júrgizilip jatyr.
