Saryaǵash aýdanynda Respýblıka kúni merekesine oraı birneshe jańa nysandar ashylyp, paıdalanýǵa berildi. Óńirdegi jańa medısınalyq nysandardyń ashylý saltanatyna aýdan ákimi Arman Abdýllaev pen Túrkistan oblystyq máslıhat depýtattary arnaıy qatysty.
Aldymen, Jańaturmys eldi mekenindegi táýligine 25 turǵyndy qabyldaı alatyn medısınalyq alǵashqy kómek kórsetetin dárigerlik ambýlatorıa aýyl turǵyndarynyń ıgiligine tabystaldy.
Odan soń, Jemisti eldi mekenindegi zamanaýı úlgidegi dárigerlik ambýlatorıanyń ashylý saltanaty ótti. Dál osyndaı úlgidegi ambýlatorıa Jemisti aýyldyq okrýgi Tyń eldi mekeninde de ashyldy.
Medısınalyq nysandardyń qurylys jumystary «Aýyl-el besigi» baǵdarlama aıasynda júzege asqan. Zamanaýı medısınalyq qural-jabdyqtarmen jaraqtandyrylǵan ambýlatorıada tis dárigeri, ýzı kabınetteri, zerthanalyq kabınetteri bar.
Túrkistan oblysynyń Óńirlik komýnıkasıalar qyzmeti
