Bul týraly Dalanews.kz habarlaidy.
"Biz birinshi kezekte jastardyń óz-ózine qol salýynyń astaryna úńilýimiz qajet. Buǵan, mundai jaǵdaiǵa tek ásker nemese áskeri sala ǵana kináli bolmaidy.
Bozbala áskeri boryshyn óteýge kelgennen keiin onyń ómiri úshin jaýapkershilik komandirge júkteletini aidan anyq. Alaida adam ásker qataryna jetilgen, tolysqan kúide, qoǵam arasynan keledi. Ol óz máselelerin, janyn jegen problemalardy ózimen birge arqalai kelýi múmkin", - dedi Jaqsylyqov májilis alańynda jýrnalisterdiń suraǵyna jaýap berip turyp.
Qorǵanys ministri áskerdiń basty mindeti – óziniń qiyndyǵymen kelgen adamnyń máselelerin teńestirý ekenin atap ótti.
...
Keiingi kezderi áskerdegi jaýynger qazasy týraly aqparattar kóbeiip ketti. 4-maýsymda UQK Shekara qyzmetiniń Mańǵystaý oblysy Beineý aýdanyndaǵy áskeri bóliminiń jaýyngeri Edil Teshebaev jumbaq jaǵdaida qaza bolǵan.
UQK Shekara qyzmetiniń baspasóz bólimi de «Edil Teshebaev óz-ózine qol jumsady, aldyna ala aqparat boiynsha, sýitsidtiń sebebi áskeri qyzmetpen emes, otbasylyq turmystyq problemalar bolǵan, quqyq qorǵaý organdarytergeý amaldaryn júrgizip jatyr» dep habarlaǵan.
Edil Teshebaevtyń áke-sheshesi men týystary jáne dostary onyń óz-ózine qol salǵanyna senbei, prezident Qasym-Jomart Toqaevtan iske aralasýyn suraǵan edi.
Osydan keiin Aqordanyń baspasóz qyzmeti prezident Qasym-Jomart Toqaevtyń áskerde jiilegen adam ólimi jóninde arnaiy komissiia qurýdy tapsyrǵanyn habarlaǵan.
Qorǵanys ministrligi ile-shala beibit ýaqytta áskerdegi ólimge jol bermeitin baǵdarlama ázirleitinin málimdegen bolatyn.
7 maýsymda qorǵanys ministrliginiń saitynda jariialanǵan bul aqparatta bul "Áskerde nóldik ólim baǵdarlamasy" dep atalǵan.
Qorǵanys ministrliginiń baspasóz qyzmetiniń habaryna qaraǵanda, ministr Rýslan Jaqsylyqov áskeri qolbasshylarmen jiyn ótkizip, "beibit ýaqytta áskeri qyzmetkerlerdiń jaralanýy men qaza bolýyna jol bermeý úshin barlyq laýazymdy tulǵalar is-shara qoldanýǵa tiis" degen tapsyrma bergen.
Qorǵanys ministrliginiń saityndaǵy aqparatta Rýslan Jaqsylyqov "jaýyngerdiń qazasy men jaralaný sebepterin jan-jaqty taldaityn" jumys tobyn qurý tapsyrǵan.
...
Sáýirde Jambyl oblysyndaǵy áskeri bólimde kelgenine tórt kún bolǵan 18jastaǵy Álibek Qalbai esimdi jaýyngerdiń jumbaq jaǵdaida qaitys bolǵan.
Bastapqyda jaýyngerdiń "tańǵy sap kezinde esinen tanyp qalǵany", artynsha mert bolǵany habarlanǵan. Keiin qorǵanys ministrligi "Áskeri qyzmetshiler qarym-qatynasynyń jarǵylyq qaǵidalaryn buzý" (QK 440-baby, 4-bóligi) baby boiynsha is qozǵalyp, kúdikti anyqtalǵanyn málimdegen.
Byltyr, 2021 jyly qazanda Qaraǵandy oblysy Temirtaý qalasyndaǵy áskeri bólimde áskeri boryshyn ótep júrgen jaýyngerdiń "óz-ózine oq atyp" mert bolǵany habarlanǵan. Biraq marqumnyń týystary resmi habarlamaǵa kúmánmen qaraǵan.
Onyń aldynda kóktemde Jambyl oblysynda bir jaýynger kazarma terezesinen sekirip mert boldy. Sarapshylar áskeri bólimderde álimjettik jii kezdesetinin aitady.
https://dalanews.kz/kogam/78043-aqyndar-aytysy-mukhamedzhan-tazabek-oz
