Sarapshylar 2024 jyldyń alǵashqy jartysynda Qazaqstan ekonomikasy 3,2% ósimdi kórsetip, óndirý ádisi boiynsha JIÓ 52,34 trillion teńgeni quraǵanyn aitady,dep habarlaidy Dalanews.kz.
Alaida, economy.kz sarapshylary, muqiiat zerttei kelgende bul ósim astarynda úlken qaýipterdi jasyrýly jatqanyn baiqaýǵa bolatynyn, al ol óz kezeginde ekonomister arasynda alańdaýshylyq týdyratynyn aitady.
Óńirler arasyndaǵy ósimniń teńsizdigi
Sońǵy paidalaný ádisimen alynǵan JIÓ týraly derekter boiynsha onyń kólemi 50,97 trillion teńgeni qurady, al eki esepteý ádisi arasyndaǵy statistikalyq aiyrma 1,37 trillion teńge nemese JIÓ-niń 2,6% quraidy, bul statistikalyq esepterdegi máseleler nemese ekonomikalyq protsesterdiń ashyq emestigin baiqatýy múmkin. Sarapshylar bul aiyrmashylyq qosymsha taldaýdy qajet etetinin, óitkeni ol ekonomikadaǵy mańyzdy qurylymdyq teńgerimsizdikti aiqyndaýy yqtimal ekenin aitady.
Ishki tutynysqa degen táýeldilik
"Ósimniń negizgi draiveri — tutyný shyǵyndary, ol JIÓ-niń 61,6%-yn quraidy. Turmystyq shyǵyndardyń 5,6% ósimi ekonomikalyq ósimniń ishki tutynýshylyq suranysqa táýeldi ekenin kórsetedi. Mundai ósý modeli syrtqy ekonomikalyq soqqylar men ishki ekonomikalyq aýytqýlar kezeńinde osal bolyp tabylady", delingen sarapshylar taldaýynda.
Investitsiialyq belsendilik jáne eksport
Negizgi kapitaldy jalpy jinaǵynyń 0,4%-ǵa tómendeýi investitsiialyq belsendiliktiń baiaýlaýynan habar beredi, bul uzaq merzimdi ekonomikalyq ósim úshin problemalar týǵyzýy múmkin. Taza eksport JIÓ-niń tek 10%-yn quraidy, al taýarlar men qyzmetter eksportynyń 1,2%-ǵa ósýi jáne importtyń 3,4%-ǵa tómendeýi ekonomikanyń globaldyq masshtabta múmkindikteri shekteýli ekenin jáne ishki naryqqa degen joǵary táýeldiligin kórsetedi.
"Qazaqstannyń JIÓ-niń qazirgi ósimi bir qaraǵanda úmit týǵyzatyntai bolǵanymen, muqiiat zerdelei kelsek, birqatar áleýetti qaýipterdi aiqyndap, bolashaqtaǵy ekonomikalyq damýdyń turaqtylyǵyna qatysty alańdaýshylyq týǵyzady. Bul derekter memlekettik organdar tarapynan erekshe nazar aýdarýdy talap etedi jáne tepe-teńdik pen turaqty ósimdi qamtamasyz etý úshin ekonomikalyq saiasatty retteýdi de qajet etýi múmkin", delingen sarapshylar taldaýynda.
