NF Group konsaltingtik kompaniiasynyń Ortalyq Aziia, Kavkaz elderi jáne Belarýssiiadaǵy sapaly qoimalar naryǵyna qatysty zertteýi jariialandy. Oǵan sáikes, atalǵan naryqta Ortalyq Aziia elderiniń ishindegi qoldanystaǵy jáne salynyp jatqan qoimalar kólemi qarqyny boiynsha Qazaqstan kósh bastap tur, dep jazady Dalanews.kz.
Respýblika boiynsha jalpy qoimalar kólemi 1,55 mln sharshy metrdi quraidy, onyń basym bóligi, iaǵni Almatyda (64%), shamamen 19%-y Astanada jáne 7%-y Aqtóbede shoǵyrlanǵan.
NF Group konsaltingtik kompaniiasy málimetinshe,2024 jyldyń toǵyz aiynda jańadan 108 myń sharshy metr qoima paidalanýǵa berildi, onyń ishinde Almatyda ornalasqan Focus-Aksengir logistikalyq parkine jatatyn Ozon (40 myń sharshy metr) kompaniiasynyń, Almatynyń Ile aýdanynda ornalasqan Shalkar (25 myń sharshy metr) qoima keshenderi jáne Shymkentegi TechnoDom.kz (15,4 sharshy metr) da bar.
Bos qoima alańdarynyń úlesi 2024 jyldyń birinshi toqsanymen salystyrǵanda azdap – 0,4 paiyzdyq tarmaqqa, jalpy usynystyń 1,2%-na deiin tómendedi. Onda da Shymkent pen Qaraǵandyda ǵana, al Almaty men Astanada bos jatqan sapaly qoimalar joqtyń qasy.
2024 jyldyń III-toqsanynyń qorytyndysy boiynsha, jaldaý aqysynyń ortasha quny I-toqsandaǵy deńgeide saqtalyp otyr, iaǵni aiyna bir sharshy metri - 5 600 teńge . Joǵary sapaly nysandar tapshylyǵyn eskere otyryp, kompaniia sarapshylary tariftiń 2025 jyldyń basynda ósýi múmkin ekenin boljaidy.
Salynyp jatqan jáne 2024 jyldyń sońy men 2025 jyldyń basyna josparlanǵan A sanatty jobalar boiynsha bir sharshy metrdiń ortasha jaldaý quny 6 500-7 000 teńgeni quraidy dep boljanady. V sanatyndaǵy qoimalardy jaldaý quny bir sharshy metrine aiyna 3 500 teńge bolýy múmkin.
2024 jyldyń III-toqsanynyń aiaǵyndaǵy jaǵdai boiynsha, paidalanýǵa berilý ýaqyty 2024-2025 jyldarǵa josparlanǵan 426 myń sharshy metr qoima qurylysy júrip jatyr. Al 2024–2026 jyldary elimizde 700 myń sharshy metr qoima salynbaq.
