Sarapshy Oljas Baidildinov Jyljymaityn múlik baǵasynyń ósýine infliatsiia men salyq reformasy áser etetinin aitty, dep habarlaidy Dalanews.kz.
"Infliatsiia, salyqtardyń ósýi jáne bastapqy naryqqa QQS engizilgenin eskersek, bul – zańdy qubylys. Úkimet tarapynan kúrt qymbattaý kútilip otyrǵan joq. Meniń boljamym boiynsha, ártúrli óńirlerde qaitalama naryqtaǵy baspana baǵasy 5–10% shamasynda ósýi múmkin", – deidi Baidildinov.
Baspana baǵasynyń naqty qashan ósetini týraly sarapshy naqty ýaqyt mejesin ataǵan joq.
Aita keteiik, Qazaqstanda turǵyn úimen jasalatyn mámileler sany ekinshi ai qatarynan azaiyp jatyr. Maýsym aiynda 33 273 mámile tirkelgen, bul mamyrmen salystyrǵanda 2,1%-ǵa az.
