ساراپشى ولجاس ءبايدىلدينوۆ جىلجىمايتىن مۇلىك باعاسىنىڭ وسۋىنە ينفلياسيا مەن سالىق رەفورماسى اسەر ەتەتىنىن ايتتى، دەپ حابارلايدى Dalanews.kz.
"ينفلياسيا، سالىقتاردىڭ ءوسۋى جانە باستاپقى نارىققا ققس ەنگىزىلگەنىن ەسكەرسەك، بۇل – زاڭدى قۇبىلىس. ۇكىمەت تاراپىنان كۇرت قىمباتتاۋ كۇتىلىپ وتىرعان جوق. مەنىڭ بولجامىم بويىنشا، ءارتۇرلى وڭىرلەردە قايتالاما نارىقتاعى باسپانا باعاسى 5–10% شاماسىندا ءوسۋى مۇمكىن"، – دەيدى ءبايدىلدينوۆ.
باسپانا باعاسىنىڭ ناقتى قاشان وسەتىنى تۋرالى ساراپشى ناقتى ۋاقىت مەجەسىن اتاعان جوق.
ايتا كەتەيىك، قازاقستاندا تۇرعىن ۇيمەن جاسالاتىن مامىلەلەر سانى ەكىنشى اي قاتارىنان ازايىپ جاتىر. ماۋسىم ايىندا 33 273 مامىلە تىركەلگەن، بۇل مامىرمەن سالىستىرعاندا 2،1%-عا از.
