Tanymal qarjy sarapshysy Aibar Oljai Balqashtaǵy tuńǵysh atom elektr stantsiiasyna qazaq mifologiiasyndaǵy alapat kúsh pen qairattyń, sarqylmas jigerdiń simvoly - Tolaǵai ataýyn qoiýdy usyndy, dep habarlaidy Dalanews.kz.
"Tolagay - neimingtiń barlyq standarttaryna keremet kelip tur. Halyqaralyq ataýy da jeńil, qolaily. Bir sózge zor mán siǵyzady. Sosyn qazaqtiki ekenin birden aishyqtaidy. Túrkiianyń Akkýiý degen ataýynan kem túspeidi. Neimingtiń kásibi mamany retinde osy ataýdyń bolashaǵy men potentsialyn anyq baiqap turmyn", dep jazdy Aibar Oljai Facebook-tegi jeke paraqshasynda.
Aita ketsek, keshe, 11 tamyzda Prezident Qasym-Jomart Toqaev Aqordada halyqaralyq pán olimpiadalary jeńimpazdarymen jáne júldegerlerimen kezdesýi kezinde birer kún buryn Almaty oblysynda Úlken aýylynda qurylysy resmi túrde bastalǵan AES-tiń ataýy áli joq ekenin basa aitqan edi. Sóitken Memleket basshysy bul elimizdegi tuńǵysh stansa bolǵandyqtan, halyq arasynda úzdik ataý jóninde baiqaý jariialaýǵa bolatynyn málimdegen bolatyn.
Buǵan deiin 2025 jylǵy 8 tamyzda Almaty oblysynyń Jambyl aýdanyndaǵy Úlken aýylynda iri qýatty atom elektr stantsiiasyn salý jobasy aiasyndaǵy alǵashqy jumystar – stantsiia qurylysyna arnalǵan ońtaily alańdy aiqyndaý jáne jobalyq qujattamany ázirleý maqsatyndaǵy injenerlik izdestirý sharalary bastalǵany habarlandy. Atalǵan is-sharaǵa Qazaqstan Respýblikasy Atom energiiasy jónindegi agenttiginiń tóraǵasy Almasadam Sátqaliev jáne "Rosatom" memlekettik korporatsiiasynyń bas direktory Aleksei Lihachiov qatysty.
