Bas prokýratýranyń Quqyqtyq statistika jáne arnaiy esepke alý jónindegi komitetiniń Qylmystyq qaýip-qaterdiń jáne qoǵamdyq qaýipsizdiktiń táýekelderin boljaý ortalyǵy internet-alaiaqtyqtyń jańa shemasy týraly eskertedi, dep habarlaidy dalanews.kz.
Sheteldik derekkózderdiń málimetteri boiynsha, alaiaqtar PayPal tólem júiesin paidalaný arqyly iPhone qurylǵysyn satyp alý týraly jalǵan habarlamalar taratýda.
Mundai hattar barynsha senimdi kórinedi, sebebi alaiaqtar appleid@id.apple.com mekenjaiyn paidalanyp, habarlamalardyń mazmunyn aýystyrady.
Hat mátininde paidalanýshyǵa iPhone qurylǵysy satyp alynǵandyǵy týraly habarlanyp, tranzaktsiiany joiý usynylady. Ol úshin kórsetilgen telefon nómiri arqyly «qoldaý qyzmetine» habarlasýdy usynady.
Qońyraý barysynda alaiaqtar paidalanýshyny Apple ID eseptik jazbasy buzyldy dep sendirip, akkaýntty «qorǵaý» syltaýymen:
- qurylǵyǵa qashyqtan qol jetkizý úshin baǵdarlamalyq jasaqtamany ornatýdy usynady;
- qupiia derekterdi, sonyń ishinde parolderdi suratady;
- shuǵyl jáne qaýip-qater sezimin týdyra otyryp, psihologiialyq tásilderdi paidalanady.
Tsifrlyq qaýipsizdiktiń negizgi sharalaryn saqtaý usynylady:
- kúmándi siltemelerge ótpeý jáne hattaǵy nómirlerge qońyraý shalmaý;
- satyp alý týraly aqparatty tek resmi servister arqyly tekserý;
- bógde baǵdarlamalardy ornatpaý;
- eki faktorly aýtentifikatsiiany paidalaný.
Osyndai habarlamalardy alǵan jaǵdaida dereý resmi qoldaý qyzmetine júginip, quqyq qorǵaý organdaryna habarlaý qajet.
Saq bolyńyz: kez kelgen kútpegen habarlamalarǵa senbeńiz.
