Boksshy Serik Sápiev daýly oqiǵaǵa bailanysty málimdeme jasady, dep habarlaidy Dalanews.kz.
Bul týraly ol jelidegi paraqshasynda jazdy.
"Áleýmettik jeliler men buqaralyq aqparat quraldarynda tarap jatqan jaǵdaiǵa bailanysty kelesini atap ótkim keledi. Men memlekettik qyzmetshi retinde óz mindetterimdi atqarý barysynda memlekettik qyzmetshiniń ádep qaǵidattaryn qatań saqtaimyn. Bala kezimnen bapkerlerim maǵan ringten tys jerde kúsh qoldanýǵa bolmaitynyn úiretti. Óz múmkindigimdi jaqsy baǵalaimyn jáne árbir is-áreketim úshin jaýapkershilik arqalaitynymdy tolyq túsinemin. Sondyqtan qandai da bir arandatýshylyqtarǵa ermeimin. Másele tolyq qaralyp, jabyq dep esepteledi", - dedi ol.
Aita keteiik, buǵan deiin Qaraǵandy qalasynyń 42 jastaǵy turǵynynyń aryzy negizinde uryp-soǵý deregi boiynsha qylmystyq is qozǵalǵan edi.
"21 qańtarda qaladaǵy sport keshenderiniń birinde eki er adam arasynda janjal týyndaǵan. Qazir politsiia qyzmetkerleri bolǵan oqiǵanyń barlyq mán-jaiyn anyqtap jatyr", - dedi Qaraǵandy oblysy Politsiia departamentiniń baspasóz qyzmeti ókili.
