Saparhan Omarov: «Minberge birinshi ret shyǵyp turmyn»
Májilistiń jalpy otyrysynda ortalyq sailaý komissiiasynyń múshesi Aqylbek Ihdanov Saparhan Omarovtyń zańdy túrde depýtattyqtan ketip jatqanyn atap ótti.
Keiin májilis tóraǵasy Nurlan Nyǵmatýlin eks-depýtatqa jańa qyzmetinde sáttilik tilep, oǵan alǵys hat tabystady.
– Saparhan Kesikbaiuly, sizge osy parlamentte birlesip atqarǵan jumys úshin áriptesterimizdiń atynan alǵysymdy bildiremin. Májilistiń agrarlyq komitetin basqaryp, kóptegen mańyzdy zańdardy qabyldaýǵa zor úles qostyńyz. Endi aýyl sharýashylyǵy ministri laýazymyna taǵaiyndalyp otyrsyz. Óte jaýapty jumysqa baryp otyrsyz, sizge zor tabystar tileimiz, – dedi ol.
Osy oraida Saparhan Omarov májilis minberine shyǵyp, sóz sóileýge niet bildirdi.
– Men oǵan zań jobalarymen májiliske jii kelip turasyń dedim. Sondyqtan osy minberge úirenip kel, – dedi májilis tóraǵasy jańa aýyl sharýashylyǵy ministine qaljyńdap.
– Minberge birinshi ret shyǵyp turmyn. Osynda turyp, birinshiden Elbasynyń senim artqanyna rahmet aitqym keledi. Ekinshiden, Nurlan Zairollauly, meniń kandidatýramdy qoldaǵandaryńyz úshin úlken alǵys aitamyn. Osynda 3 jylǵa jýyq ýaqyt jumys istedim. Zań shyǵarý jumysynda sizderden kóp nárse úirendim. Endi zańdy oqyp qana qoimai, ony túsinetin jaǵdaiǵa jetip otyrmyn. Sizderdiń qoldaýdalaryńyzben aýyl sharýashylyǵyn damytý úrdisinde jumys istei beremin. Sizderge raqmet, – dedi Saparhan Omarov.
