ساپارحان وماروۆ: «مٸنبەرگە بٸرٸنشٸ رەت شىعىپ تۇرمىن»
مەجٸلٸستٸڭ جالپى وتىرىسىندا ورتالىق سايلاۋ كوميسسيياسىنىڭ مٷشەسٸ اقىلبەك يحدانوۆ ساپارحان وماروۆتىڭ زاڭدى تٷردە دەپۋتاتتىقتان كەتٸپ جاتقانىن اتاپ ٶتتٸ.
كەيٸن مەجٸلٸس تٶراعاسى نۇرلان نىعماتۋلين ەكس-دەپۋتاتقا جاڭا قىزمەتٸندە سەتتٸلٸك تٸلەپ, وعان العىس حات تابىستادى.
– ساپارحان كەسٸكبايۇلى, سٸزگە وسى پارلامەنتتە بٸرلەسٸپ اتقارعان جۇمىس ٷشٸن ەرٸپتەستەرٸمٸزدٸڭ اتىنان العىسىمدى بٸلدٸرەمٸن. مەجٸلٸستٸڭ اگرارلىق كوميتەتٸن باسقارىپ, كٶپتەگەن ماڭىزدى زاڭداردى قابىلداۋعا زور ٷلەس قوستىڭىز. ەندٸ اۋىل شارۋاشىلىعى مينيسترٸ لاۋازىمىنا تاعايىندالىپ وتىرسىز. ٶتە جاۋاپتى جۇمىسقا بارىپ وتىرسىز, سٸزگە زور تابىستار تٸلەيمٸز, – دەدٸ ول.
وسى ورايدا ساپارحان وماروۆ مەجٸلٸس مٸنبەرٸنە شىعىپ, سٶز سٶيلەۋگە نيەت بٸلدٸردٸ.
– مەن وعان زاڭ جوبالارىمەن مەجٸلٸسكە جيٸ كەلٸپ تۇراسىڭ دەدٸم. سوندىقتان وسى مٸنبەرگە ٷيرەنٸپ كەل, – دەدٸ مەجٸلٸس تٶراعاسى جاڭا اۋىل شارۋاشىلىعى مينيستٸنە قالجىڭداپ.
– مٸنبەرگە بٸرٸنشٸ رەت شىعىپ تۇرمىن. وسىندا تۇرىپ, بٸرٸنشٸدەن ەلباسىنىڭ سەنٸم ارتقانىنا راحمەت ايتقىم كەلەدٸ. ەكٸنشٸدەن, نۇرلان زايروللاۇلى, مەنٸڭ كانديداتۋرامدى قولداعاندارىڭىز ٷشٸن ٷلكەن العىس ايتامىن. وسىندا 3 جىلعا جۋىق ۋاقىت جۇمىس ٸستەدٸم. زاڭ شىعارۋ جۇمىسىندا سٸزدەردەن كٶپ نەرسە ٷيرەندٸم. ەندٸ زاڭدى وقىپ قانا قويماي, ونى تٷسٸنەتٸن جاعدايعا جەتٸپ وتىرمىن. سٸزدەردٸڭ قولداۋدالارىڭىزبەن اۋىل شارۋاشىلىعىن دامىتۋ ٷردٸسٸندە جۇمىس ٸستەي بەرەمٸن. سٸزدەرگە راقمەت, – دەدٸ ساپارحان وماروۆ.
