Berdibek Saparbaev Men Liankýge qazaq jumysshylaryn qysqartpai, basqa shyǵyndardyń qataryn azaitýǵa keńes berdi.
«Aqtóbe aqparat» ortalyǵynyń málimetinshe, Aqtóbe oblysynyń ákimi Berdibek Saparbaev óńirde munai kenishin burǵylaýmen ainalysatyn qytailyq «Uly qorǵan» kompaniiasynyń vitse-prezidenti Men Liankýmen kezdesti. Ekijaqty áńgime barysynda oblys ákimi qazaq jumysshylaryn qysqartpai, basqa shyǵyndardy qarajat únemdeýge keńes berdi.
Berdibek Máshbekulynyń oiynsha, kompaniia basshylary qarajat únemdegisi kelse, is-saparlar sanyn qysqartý kerek. Óitkeni, kompaniiada jumys isteitin sheteldik mamandar óz otandaryna jii qatynaityn kórinedi. Sondai-aq, kompaniia qosalqy bólshekterdi Qytaidan satyp alady eken. Ákimniń pikirinshe, bul da kompaniia úshin qosymsha shyǵyn bolyp otyr.
«Qazir únemmen ómir súrý kerek. Sheteldik mamandardy bizdiń elge tartý máselesin qatań qadaǵalaityn bolamyz. Biz qazir óz azamattarymyzdy jumyspen qamtýymyz qajet. Kompaniia 15 jyl boiy mol tabys taýyp keldi. Sondyqtan, qazirgi daǵdarys ýaqytynda quryltaishylary qoldaý kórsetip, nesieni tóleý ýaqytyn sozý kerek. Qajet bolsa jarǵyǵa ózgeris engizip, ózge de qyzmet túrimen ainalyssańyzdar bolady», – dedi Saparbaev kezdesý barysynda.
10 shilde kúni «Uly qorǵan» JShS jumysshylardyń sanyn qysqartpaý maqsatynda memlekettik organdarmen birlese arnaiy usynystar ázirleýi tiis.
Derekkóz: «Ult portaly»
