Akademik, seismologiia ǵylymdarynyń doktory, Qazaqstannyń Seismologiia institýtynyń burynǵy direktory Tanatqan Abaqanov elimizdegi seismologiialyq stantsiialardyń sanyna emes, derekterdi durys taldai alatyn mamandardyń tapshylyǵyna nazar aýdarýǵa shaqyrdy, dep habarlaidy Dalanews.kz.
"Munsha stantsiia ornatyldy deimiz... Japoniiada 9 myńdai stantsiia bar. Odan ne ózgerdi? Qytaida 4 myńnan astam, Iranda 2 myńnan asady. Stantsiialar ómir qaýipsizdigin qamtamasyz etý úshin kerek, tek sanyn aityp maqtaný úshin emes. Eger alynǵan málimetti túsinip oqityn, tereń taldap beretin maman bolmasa, munyń bárinen paida joq. Qazir bizde derekti jinaý, óńdeý, taldaý men durys qorytyndy jasaý máselesi nazardan tys qalyp otyr", – dedi Tanatqan Abaqanov YouTube-tegi "Sreda" arnasyna bergen suhbatynda.
Eske sala ketsek, 23 shildede Qazaqstannyń eki birdei oblysynyń turǵyndary jer silkinisin sezingen bolatyn.
Aita keteiik, 2025 jyly 23 shildede Astana ýaqytymen 15:37-de Qazaqstan aýmaǵynda jer silkinisi tirkelgen edi. Bul týraly Tótenshe jaǵdailar ministrligi janyndaǵy "Seismologiialyq zertteýler men aqparattyń ulttyq ǵylymi ortalyǵy" JShS-niń seismikalyq stantsiialar jelisi málimdedi.
Ministrlik taratqan málimetke sáikes, jer silkinisiniń epitsentri Almaty qalasynan soltústik-shyǵysqa qarai 793 shaqyrym jerde ornalasqan. Zilzalanyń kúshi birneshe eldi mekende 2–4 ball aralyǵynda sezilgen.
Jer silkinisi sezilgen óńirler:
-
Abai oblysy, Kókpekti aýdany, Kókpekti aýyly – 4 ball
-
ShQO, Samar aýdany, Samarskoe aýyly – 4 ball
-
Abai oblysy, Jarma aýdany, Qalbataý aýyly – 4 ball
-
ShQO, Ulan aýdany, Qasym Qaisenov kenti – 4 ball
-
ShQO, Óskemen qalasy – 4 ball
-
ShQO, Glýbokoe aýdany, Glýbokoe kenti – 3 ball
-
ShQO, Kúrshim aýdany, Kúrshim aýyly – 3 ball
-
ShQO, Altai aýdany, Altai (Zyrianovsk) qalasy – 3 ball
-
ShQO, Ridder (Leninogorsk) qalasy – 3 ball
-
ShQO, Katonqaraǵai aýdany, Úlken Naryn aýyly – 3 ball
-
ShQO, Shemonaiha qalasy – 3 ball
-
Abai oblysy, Aqsýat aýdany, Aqsýat aýyly – 3 ball
-
Abai oblysy, Besqaraǵai aýdany, Besqaraǵai aýyly – 2 ball
-
ShQO, Tarbaǵatai aýdany, Aqjar aýyly – 2 ball
-
Abai oblysy, Aiagóz qalasy – 2 ball
-
Abai oblysy, Semei qalasy – 2 ball
-
ShQO, Katonqaraǵai aýyly – 2 ball
-
Abai oblysy, Abai aýdany, Qaraýyl aýyly – 2 ball
-
ShQO, Kúrshim aýdany, Býran aýyly – 2 ball
-
Abai oblysy, Úrjar aýdany, Úrjar aýyly – 2 ball
-
ShQO, Kúrshim aýdany, Marqakól aýyly – 2 ball
-
Abai oblysy, Jańa-Semei aýdany, Jolaman kenti – 2 ball
-
ShQO, Zaisan aýdany, Zaisan qalasy – 2 ball
-
Abai oblysy, Maqanshy aýdany, Maqanshy aýyly – 2 ball
Al 5 qarashada Almatyda 3 baldyq jerasty dúmpýi tirkeldi. Bul jaǵdai turǵyndardyń úreiin alyp, tótenshe jaǵdaiǵa daiyndyq máselesin qaita eske saldy. Osyǵan bailanysty Marat Nurtas jer silkinisi qaýpin baǵalap, aldaǵy ýaqytta bolýy múmkin seismikalyq belsendilikti boljaý úshin arnaiy zertteý júrgizgenin málimdegen edi.
Naýryz aiynda Dalanews.kz agenttigi Marat Nurtastyń tabiǵi qubylysqa bailanysty pikirin suraǵan bolatyn. Qoǵamda keńinen talqyǵa túsken bul suqbatta zertteýshi halyqty kóktem jáne kúz ailarynda erekshe saq bolýǵa shaqyrǵan edi.
