اكادەميك، سەيسمولوگيا عىلىمدارىنىڭ دوكتورى، قازاقستاننىڭ سەيسمولوگيا ينستيتۋتىنىڭ بۇرىنعى ديرەكتورى تاناتقان اباقانوۆ ەلىمىزدەگى سەيسمولوگيالىق ستانسيالاردىڭ سانىنا ەمەس، دەرەكتەردى دۇرىس تالداي الاتىن مامانداردىڭ تاپشىلىعىنا نازار اۋدارۋعا شاقىردى، دەپ حابارلايدى Dalanews.kz.

"مۇنشا ستانسيا ورناتىلدى دەيمىز... جاپونيادا 9 مىڭداي ستانسيا بار. ودان نە وزگەردى؟ قىتايدا 4 مىڭنان استام، يراندا 2 مىڭنان اسادى. ستانسيالار ءومىر قاۋىپسىزدىگىن قامتاماسىز ەتۋ ءۇشىن كەرەك، تەك سانىن ايتىپ ماقتانۋ ءۇشىن ەمەس. ەگەر الىنعان مالىمەتتى ءتۇسىنىپ وقيتىن، تەرەڭ تالداپ بەرەتىن مامان بولماسا، مۇنىڭ بارىنەن پايدا جوق. ءقازىر بىزدە دەرەكتى جيناۋ، وڭدەۋ، تالداۋ مەن دۇرىس قورىتىندى جاساۋ ماسەلەسى نازاردان تىس قالىپ وتىر"، – دەدى تاناتقان اباقانوۆ YouTube-تەگى "Sreda" ارناسىنا بەرگەن سۇحباتىندا.

ەسكە سالا كەتسەك، 23 شىلدەدە قازاقستاننىڭ ەكى بىردەي وبلىسىنىڭ تۇرعىندارى جەر سىلكىنىسىن سەزىنگەن بولاتىن.

ايتا كەتەيىك، 2025 جىلى 23 شىلدەدە استانا ۋاقىتىمەن 15:37-دە قازاقستان اۋماعىندا جەر سىلكىنىسى تىركەلگەن ەدى. بۇل تۋرالى توتەنشە جاعدايلار مينيسترلىگى جانىنداعى "سەيسمولوگيالىق زەرتتەۋلەر مەن اقپاراتتىڭ ۇلتتىق عىلىمي ورتالىعى" ءجشس-نىڭ سەيسميكالىق ستانسيالار جەلىسى مالىمدەدى.

مينيسترلىك تاراتقان مالىمەتكە سايكەس، جەر سىلكىنىسىنىڭ ەپيسەنترى الماتى قالاسىنان سولتۇستىك-شىعىسقا قاراي 793 شاقىرىم جەردە ورنالاسقان. ءزىلزالانىڭ كۇشى بىرنەشە ەلدى مەكەندە 2–4 بالل ارالىعىندا سەزىلگەن.

جەر سىلكىنىسى سەزىلگەن وڭىرلەر:

• اباي وبلىسى، كوكپەكتى اۋدانى، كوكپەكتى اۋىلى – 4 بالل

• شقو، سامار اۋدانى، سامارسكوە اۋىلى – 4 بالل

• اباي وبلىسى، جارما اۋدانى، قالباتاۋ اۋىلى – 4 بالل

• شقو، ۇلان اۋدانى، قاسىم قايسەنوۆ كەنتى – 4 بالل

• شقو، وسكەمەن قالاسى – 4 بالل

• شقو، گلۋبوكوە اۋدانى، گلۋبوكوە كەنتى – 3 بالل

• شقو، كۇرشىم اۋدانى، كۇرشىم اۋىلى – 3 بالل

• شقو، التاي اۋدانى، التاي (زىريانوۆسك) قالاسى – 3 بالل

• شقو، ريددەر (لەنينوگورسك) قالاسى – 3 بالل

• شقو، كاتونقاراعاي اۋدانى، ۇلكەن نارىن اۋىلى – 3 بالل

• شقو، شەمونايحا قالاسى – 3 بالل

• اباي وبلىسى، اقسۋات اۋدانى، اقسۋات اۋىلى – 3 بالل

• اباي وبلىسى، بەسقاراعاي اۋدانى، بەسقاراعاي اۋىلى – 2 بالل

• شقو، تارباعاتاي اۋدانى، اقجار اۋىلى – 2 بالل

• اباي وبلىسى، اياگوز قالاسى – 2 بالل

• اباي وبلىسى، سەمەي قالاسى – 2 بالل

• شقو، كاتونقاراعاي اۋىلى – 2 بالل

• اباي وبلىسى، اباي اۋدانى، قاراۋىل اۋىلى – 2 بالل

• شقو، كۇرشىم اۋدانى، بۋران اۋىلى – 2 بالل

• اباي وبلىسى، ءۇرجار اۋدانى، ءۇرجار اۋىلى – 2 بالل

• شقو، كۇرشىم اۋدانى، مارقاكول اۋىلى – 2 بالل

• اباي وبلىسى، جاڭا-سەمەي اۋدانى، جولامان كەنتى – 2 بالل

• شقو، زايسان اۋدانى، زايسان قالاسى – 2 بالل

• اباي وبلىسى، ماقانشى اۋدانى، ماقانشى اۋىلى – 2 بالل

ال 5 قاراشادا الماتىدا 3 بالدىق جەراستى ءدۇمپۋى تىركەلدى. بۇل جاعداي تۇرعىنداردىڭ ۇرەيىن الىپ، توتەنشە جاعدايعا دايىندىق ماسەلەسىن قايتا ەسكە سالدى. وسىعان بايلانىستى مارات نۇرتاس جەر سىلكىنىسى ءقاۋپىن باعالاپ، الداعى ۋاقىتتا بولۋى مۇمكىن سەيسميكالىق بەلسەندىلىكتى بولجاۋ ءۇشىن ارنايى زەرتتەۋ جۇرگىزگەنىن مالىمدەگەن ەدى.

ناۋرىز ايىندا Dalanews.kz اگەنتتىگى  مارات نۇرتاستىڭ تابيعي قۇبىلىسقا بايلانىستى پىكىرىن سۇراعان بولاتىن. قوعامدا كەڭىنەن تالقىعا تۇسكەن بۇل سۇقباتتا زەرتتەۋشى حالىقتى كوكتەم جانە كۇز ايلارىندا ەرەكشە ساق بولۋعا شاقىرعان ەدى.