Ol Qordyń jumysyn qolǵa alǵan kezdegi onyń jaǵdaiyna, portfeldik kompaniialardyń basshylyq quramy men qyzmetkerleriniń deńgeiine riza bolǵanyn atap ótti.
Nurlan Jaqypov qor Qazaqstannyń ekonomikasynyń jai-kúiine orasan zor áser etip, onyń draiveri jáne biznes-tásilderdegi kóshbasshy bolyp tabylatynyn atap ótti. «Samuryq-Qazyna» qorynyń Qazaqstannyń 2022 jylǵy turaqty damýyna qosqan úlesi 7,6 trln teńgeni qurady.
– Eger memleketke tólenetin tólemderimizdi, atap aitqanda: 2022 jylǵy salyqtardy, dividendterdi jáne ózge de tólemderdi qosa alatyn bolsaq, onda bul soma 2 trillion teńgeni qurady. Buny Qazaqstannyń eń iri aglomeratsiiasy – Almaty qalasy men Almaty oblysynyń 2023 jylǵy biýdjetimen salystyrýǵa bolady, – dedi Nurlan Jaqypov.
Brifingte kóterilgen negizgi máselelerdiń biri – portfeldik kompaniialar qyzmetiniń birqatar túrleri boiynsha tarifterdi kóterýge qatysty boldy. qordyń basshylyǵy Úkimetpen jáne memlekettik organdarmen birlesip, áleýmettik turaqtylyqty qamtamasyz etý maqsatynda, ádil tarifterdi engizý baǵytynda josparly túrde jumys júrgizedi, biraq halyqtyń múddesi mindetti túrde eskeriletin bolady.
– «Samuryq-Qazyna» qory 1,2 trln teńge somaǵa jeńildetilgen tarifter men baǵalardy usynyp, Qazaqstan ekonomikasyn sýbsidiialaidy. – dedi Nurlan Jaqypov. – Bul uzaq ýaqyt boiy jetkiliksiz qarjylandyrýǵa jáne sáikesinshe infraqurylymnyń tozýyna ákeledi. Prezident ótken jyly «Investitsiialar ornyna tarif» baǵdarlamasyn iske asyrýdy tapsyrdy. Qazirgi tańda biz Úkimetpen jáne Prezident Ákimshiligimen tarifterdi josparly túrde arttyrý úshin jumys istep jatyrmyz. Bizdiń mindetimiz – maqsatty infliatsiialyq dáliz sheginde tarifterdiń ósýin 10-12% sheginde saqtaý jáne áleýmettik turaqtylyqty qamtamasyz etý bolyp tabylady, – dep atap kórsetti Qor basshysy.
Qazirgi ýaqytta myna kompaniialarǵa qatysty tarifterdi ózgertý kelisildi:
- «QazMunaiGaz» UK» AQ – janar-jaǵarmaidyń (JJM) kóterme baǵasyn ósirý;
- «QazaqGaz» UK» AQ – gazǵa kóterme jáne bólshek baǵany kóterý;
- «Samuryq-Energo» AQ – elektr energiiasyn óndirýge tarif;
- «Qazaqstan Temir Joly» UK» AQ – magistraldyq temirjol jelisi qyzmetteriniń tarifi.
Qazirgi tańda myna qyzmetterdiń sanattary: magistraldyq sý qubyry arqyly sý berý, gaz tasymaldaý, jylý energiiasy, tranzit jáne eksport, lokomotivtik tartym boiynsha tarifterdi ózgertý máselesi pysyqtalýda.
Brifing barysynda «Samuryq-Qazyna» qory kirisiniń 2023 jyldyń sońyna boljamy usynyldy. Osy boljamǵa sáikes, Qor aktivteri qunynyń aitarlyqtai ósýi kútilýde, ol jyl basyndaǵy 72 milliard dollarmen salystyrǵanda ósip, 78 milliard dollardy quraidy.
Brifing sońynda Nurlan Jaqypov «Samuryq-Qazyna» qorynyń jeke damý maqsatyn belgiledi.
– Men qordyń aktivterin, Ulttyq bailyǵymyzdy saqtap qana qoimai, olardyń ashyqtyǵyn, tiimdiligin arttyrýym qajet dep sanaimyn. Qor aktivteriniń jalpy quny 72 milliard AQSh dollary bolǵan kezde basqarýdy qolǵa aldym. 2026 jyldyń sońyna deiin Qor aktivteriniń quny, iaǵni Qazaqstan halqyna tiesili kásiporyndar men kompaniialardyń quny 100 milliard dollardy quraýy úshin bar kúshimdi salǵym keledi. Bul maqsatqa jetý ońai emes, biraq bizde oǵan qajetti barlyq múmkindikter bar ekenine senimdimin, – dedi ol.
Qordyń taza paidasy munai baǵasynyń túsýine qaramastan, 2022 jylǵy deńgeiden tómen bolmaidy dep josparlanyp otyr.
