Májilis depýtaty Erlan Barlybaev "Samuryq" bizneske kedergi keltirip otyrǵanyn aityp, Úkimetten shara qabyldaýdy surady, – dep habarlaidy Dalanews.kz.
"Samruk-Kazyna Construction" isi
Jýyrda "Samruk-Kazyna Construction" AQ basqarýshy direktory men "Dorstroitrest" JShS basshysyna qatysty qylmystyq tergeý aiaqtalǵany belgili boldy.
Qarjylyq monitoring agenttiginiń málimetinshe, olar "Kók-Tóbe" turǵyn úi keshenin salý jónindegi kelisimshart aiasynda aldyn ala aýdarylǵan 2,6 mlrd teńge kólemindegi biýdjet qarajatyn jymqyrdy degen kúdik bar.
Tergeý barysynda bul qarajat maqsatty túrde paidalanylmaǵany, onyń ornyna qurylysqa qatysy joq qaryzdardy óteýge jáne kólik satyp alýǵa jumsalǵany anyqtaldy. Sonymen qatar, shamamen 650 mln teńgege jalǵan sharttar arqyly JShS-terdiń shottaryna aýdarylyp, qolma-qol aqshaǵa ainaldyrylǵan. Qurylys merzimi sozylyp, kóptegen zańbuzýshylyq tirkelgen.
Depýtattyń málimdemesi
Erlan Barlybaev kvazimemlekettik kompaniia nege bul salaǵa aralasqan degen saýal qoidy.
"Mundaǵy basty másele qarajattyń urlanýynda ǵana emes. Eń mańyzdy suraq – kvazimemlekettik kompaniia qandai negizde turǵyn úi qurylysy salasyna aralasty? Bul jaǵdai logikalyq suraq týdyrady: memlekettiń qoldaýynsyz, jeńildikter men preferentsiialarsyz jumys istep jatqan jekemenshik qurylys kompaniialary ulttyq holdingterdiń tikelei nemese janama biýdjet qarjysyn alyp otyrǵan enshiles uiymdarymen qalaisha básekelese alady? Mundai tájiribe ádil básekelestik negizderin aiaqqa taptap, naryqtyq ortany buzyp, jeke biznesti yǵystyrady. Kvazimemlekettik kompaniialar tek memlekettiń qatysýynsyz strategiialyq mańyzy bar mindetterdi júzege asyrý múmkin bolmaityn salalarda jumys isteýi tiis: infraqurylym, qaýipsizdik, asa mańyzdy tehnologiialar", - dedi ol.
Onyń sózinshe, qalǵan barlyq sala jeke bizneske berilip, ol óz kezeginde damýǵa, investitsiia tartýǵa jáne salyq túsimderiniń artýyna yqpal etýi qajet.
"Al is júzinde kvazimemlekettik sektor sýbektileri básekeli salalarǵa belsendi aralasýyn jalǵastyryp otyr. Olardyń qyzmeti kóbine tiimsiz jáne shyǵyny kóp, alaida memlekettik resýrstar esebinen qoldaý tabady. Memleket ekonomikadaǵy óziniń naqty ornyn aiqyndaýy qajet. Qai jerde memlekettiń qatysýy qajet, al qai jerde onyń aralaspaǵany jón, osyny anyqtap almasa, básekege qabilettilikti arttyrý nemese investitsiia tartý týraly sóz bolýy múmkin emes", - dedi ol.
Depýtat mynadai sharalar qabyldaýdy usyndy.
- Turǵyn úi qurylysy siiaqty jeke kásipkerlik tabysty jumys istep otyrǵan básekeli ekonomika salalaryna kvazimemlekettik kompaniialardyń qatysýyna tyiym salý;
- Memleket pen kvazimemlekettik sektordyń naryqtyq qyzmetke ádiletsiz aralasý jaǵdailaryna bailanysty monopoliiaǵa qarsy baqylaýdy kúsheitý.
