Ortalyqta tirek-qimyl apparaty buzylǵan, oi-sana damýy tejelgen, minez-qulqynda aýytqý bar, sóileý qabileti tómen, iaǵni arnaiy oqytýdy qajet etetin 4-17 jastaǵy balalar men jasóspirimderge pedagogikalyq-psihologiialyq túzetý, logopediialyq-defektologiialyq, art-terapiialyq járdem jasalyp, em alý maqsatyndaǵy treningter uiymdastyrylady.
Ońaltýdan ata-ananyń qaraýynsyz qalǵan, kópbalaly jáne az qamtylǵan jáne erekshe balalar óte alady. Bul qordaǵy kompaniialar tobynyń biryńǵai qaiyrymdylyq operatory «Samruk-Kazyna Trust» áleýmettik jobalardy damytý qorynyń qarjylai kómegi arqyly múmkin bolyp otyr.
– Deni saý ult – Qazaqstannyń bolashaǵy jáne elimizdiń damýynyń negizi. Erekshe qamqorlyqqa muqtaj óskeleń urpaq úshin qoldaýdyń qanshalyqty mańyzdy ekenin túsine otyryp, biz búgingi is-sharaǵa «Samuryq-Qazyna» qoryna kiretin «Qazatomónerkásip» atom holdingi atynan arnaiy keldik. Balalardy tárbieleý jáne olarǵa qajetti jaǵdailardy qamtamasyz etý – bizdiń ortaq mindetimiz. «Samruk-Kazyna Trust» qorynyń qoldaýymen Túlkibas aýdanynyń erekshe bilim berýdi qajet etetin 150 balasy jyl boiy tegin ońaltýdan ótetinine qýanyshtymyz, – dep atap ótti «Qazatomónerkásip» UAK» AQ Satyp alý jáne jalpy máseleler jónindegi bas direktory Muhit Maǵajanov.
– Meniń erekshe bilim berý qajettiligi bar bir ulym, bir qyzym osy ortalyqqa kelip pedagogikalyq-psihologiialyq túzetý kabinetinen bilim alyp júr. Nátijesi óte jaqsy, ustazdary da óte bilimdi, bilikti, óz isiniń sheberleri. Túlkibas kenti turǵyndary bolyp, bárimiz óte qýanyshtymyz. Qoldaý kórsetip otyrǵan «Samuryq-Qazyna» qoryna alǵysymyzdy bildiremiz, – dedi kópbalaly ana Elmira Japasheva.
«Samruk-Kazyna Trust» qorynyń qyzmetinde Túrkistan óńirinde 2017-2023 jyldary 1,8 mlrd teńgege 23 joba júzege asty. Onyń ishinde «Qamqorlyq» ońaltý ortalyqtary, «Mektepke jol» aktsiiasy aiasynda áleýmettik osal toptaǵy 6 myńnan astam oqýshyǵa mektep quraldaryn alyp berý, mektepishilik sanitarlyq toraptar ornatý jáne aýyldyq meditsina nysandaryna jańa jedel járdem kólikterin tabystaý siiaqty qadamdar bar.
