Samat Ábish qazir qaıda júrgeni belgili boldy

Kórkem Aldabergenova 28 aqp. 2024 13:10 4109

Bas prokýrordyń orynbasary Áset Shyndalıev Samat Ábish qazir qaıda ekenin aıtty, - dep habarlaıdy Dalanews.kz

Shyndalıev Májilis kýlýarynda is sotta qaralyp jatqanyn aıtty. 

"Ol Qazaqstanda. Qalǵanyn bilmeımin.

Elden shyqpaý týraly qolhaty bar. Qalǵanyn aıta almaımyn. Ony bilýge ruqsatym joq. İs sotta qaralyp jatyr. Statýsy (Samat Ábishtiń) sottalýshy shyǵar", - deıdi Shyndalıev. 

Eske salaıyq, buǵan deıin "Dıkıı Arman" - Arman Jumageldıev qańtarda Samat Ábishtiń qandaı buıryǵyn oryndaǵany belgili bolǵan edi. Bul týraly Qańtar oqıǵasynan keıin jappaı tártipsizdikterdi uıymdastyrdy dep aıyptalǵan polkovnık Rýslan Ysqaqov «Novaıa Gazetaǵa» aıtyp berdi.

Rýslan Ysqaqov qańtar oqıǵasyna baılanysty ótken sot otyrystarynyń birinde ol Samat Ábishtiń buıryǵyn oryndaǵanyn aıtqan bolatyn.  Ábishtiń buıryǵymen Ysqaqov Arman Jumageldıev – Dıkıı Armandy bul iske tartqan kórinedi. Jumageldıev qylmys álemne qatysy bar jáne Nazarbaevtar áıýletiniń tapsyrmasyn oryndaýshy retinde belgili.

Rýslan Ysqaqov bılikke jáne BAQ ókilderine ashyq hat jazǵan. Hatynda ol «shyn máninde mıtıńti 2019 jyly eldi basqarǵan prezıdentpen esep berip, óz is-áreketterin úılestiretin úkimet pen tıisti mınıstrlik týdyrdy» deıdi.

Osylaısha elde haos bastalǵan. Sol kezdegi ortalyq apparatty jedel basqarý Ulttyq qaýipsizdik komıtetiniń birinshi orynbasary bolǵan Samat Ábishke júktelgen. Rýslan Ysqaqovtyń sózinshe, 2022 jyly 5 qańtarda Samat Ábish «Arman Jumageldıevtiń kómegine júginý kerek» dep buıryq bergen eken. Samat Ábish Dıkıı Armannan Almaty ákimdiginde qalyp qoıǵan polıseılerdi qutqaryp, Respýblıka alańyndaǵy jaǵdaıdy baqylaýǵa alýdy suraǵan kórinedi.


Usynylǵan
Sońǵy jańalyqtar
x