سامات ءابىش ءقازىر قايدا جۇرگەنى بەلگىلى بولدى

كوركەم الدابەرگەنوۆا 28 اقپ. 2024 13:10 4104

باس پروكۋروردىڭ ورىنباسارى اسەت شىندالييەۆ سامات ءابىش ءقازىر قايدا ەكەنىن ايتتى، - دەپ حابارلايدى Dalanews.kz

شىندالييەۆ ءماجىلىس كۋلۋارىندا ءىس سوتتا قارالىپ جاتقانىن ايتتى. 

"ول قازاقستاندا. قالعانىن بىلمەيمىن.

ەلدەن شىقپاۋ تۋرالى قولحاتى بار. قالعانىن ايتا المايمىن. ونى بىلۋگە رۇقساتىم جوق. ءىس سوتتا قارالىپ جاتىر. ستاتۋسى (سامات ءابىشتىڭ) سوتتالۋشى شىعار"، - دەيدى شىندالييەۆ. 

ەسكە سالايىق، بۇعان دەيىن "ديكيي ارمان" - ارمان جۇماگەلدييەۆ قاڭتاردا سامات ءابىشتىڭ قانداي بۇيرىعىن ورىنداعانى بەلگىلى بولعان ەدى. بۇل تۋرالى قاڭتار وقيعاسىنان كەيىن جاپپاي تارتىپسىزدىكتەردى ۇيىمداستىردى دەپ ايىپتالعان پولكوۆنيك رۋسلان ىسقاقوۆ «نوۆايا گازەتاعا» ايتىپ بەردى.

رۋسلان ىسقاقوۆ قاڭتار وقيعاسىنا بايلانىستى وتكەن سوت وتىرىستارىنىڭ بىرىندە ول سامات ءابىشتىڭ بۇيرىعىن ورىنداعانىن ايتقان بولاتىن.  ءابىشتىڭ بۇيرىعىمەن ىسقاقوۆ ارمان جۇماگەلدييەۆ – ديكيي ارماندى بۇل ىسكە تارتقان كورىنەدى. جۇماگەلدييەۆ قىلمىس الەمنە قاتىسى بار جانە نازاربايەۆتار ايۋلەتىنىڭ تاپسىرماسىن ورىنداۋشى رەتىندە بەلگىلى.

رۋسلان ىسقاقوۆ بيلىككە جانە ب ا ق وكىلدەرىنە اشىق حات جازعان. حاتىندا ول «شىن مانىندە ميتينگتى 2019 جىلى ەلدى باسقارعان پرەزيدەنتپەن ەسەپ بەرىپ، ءوز ىس-ارەكەتتەرىن ۇيلەستىرەتىن ۇكىمەت پەن ءتيىستى مينيسترلىك تۋدىردى» دەيدى.

وسىلايشا ەلدە حاوس باستالعان. سول كەزدەگى ورتالىق اپپاراتتى جەدەل باسقارۋ ۇلتتىق قاۋىپسىزدىك كوميتەتىنىڭ ءبىرىنشى ورىنباسارى بولعان سامات ابىشكە جۇكتەلگەن. رۋسلان ىسقاقوۆتىڭ سوزىنشە، 2022 جىلى 5 قاڭتاردا سامات ءابىش «ارمان جۇماگەلدييەۆتىڭ كومەگىنە جۇگىنۋ كەرەك» دەپ بۇيرىق بەرگەن ەكەن. سامات ءابىش ديكيي ارماننان الماتى اكىمدىگىندە قالىپ قويعان پوليسەيلەردى قۇتقارىپ، رەسپۋبليكا الاڭىنداعى جاعدايدى باقىلاۋعا الۋدى سۇراعان كورىنەدى.


ۇسىنىلعان
سوڭعى جاڭالىقتار
x